(હવાની લિપિ ઉકેલું છું) – નયન હ. દેસાઈ
સાવ ખાલી રમત છે… ખેલું છું,
આ હવાની લિપિ ઉકેલું છું.
આવ, તડકા મને તું ઘેરી લે,
એક પડછાયો તરતો મેલું છું.
હાથ ધ્રુજે કોઈ અજાણ્યાનો,
બારણું એમ ઘરનું ઠેલું છું.
પાંપણોમાં પુરાઈ તવ યાદો,
સ્વપ્નનગરી મહીં ટહેલું છું.
સાંજ દીવાલ છે પ્રતીક્ષાની,
જૂઈની મ્હેકને અઢેલું છું.
– નયન હ. દેસાઈ
હળવે હાથે ખોલતા જાવ… અને ખોવાઈ જાવ કવિતાની કુંજગલીમાં…
બાબુ યંગાડા said,
December 24, 2023 @ 8:14 PM
સરસ કવિતા તેનો અભિપ્રાય