(કોઈ પણ કારણ વગર) – કિરણસિંહ ચૌહાણ
કેમ જીવાતું નથી એ ક્ષણ વગર?
જે મળી’તી કોઈ પણ કારણ વગર.
છે અધૂરો ગ્રંથ જે પ્રકરણ વગર,
એ પડ્યું છે મેજ પર સાંધણ વગર.
કેવા અઘરા નામવાળા રોગ છે!
સાથે રહેતા હોય છે લક્ષણ વગર.
જિંદગી એને જ તો કહેવાય છે,
ઝાંઝવા જોવા મળે જ્યાં રણ વગર.
મિત્રની યાદીમાં મારા નામ પર,
ભાર મૂકો છો તમે ભારણ વગર.
– કિરણસિંહ ચૌહાણ
ઉમદા સ્વયંસિદ્ધ ગઝલ.
Parbatkumar nayi said,
January 19, 2024 @ 2:56 PM
વાહ ક્યા બાત
DILIPKUMAR CHAVDA said,
January 20, 2024 @ 11:20 AM
વાહ જોરદાર ગઝલ
જિંદગી એને જ તો કહેવાય છે,
ઝાંઝવા જોવા મળે જ્યાં રણ વગર.
મિત્રની યાદીમાં મારા નામ પર,
ભાર મૂકો છો તમે ભારણ વગર.
મોજ મોજ
Poonam said,
February 2, 2024 @ 12:54 PM
જિંદગી એને જ તો કહેવાય છે,
ઝાંઝવા જોવા મળે જ્યાં રણ વગર… 👌🏻
– કિરણસિંહ ચૌહાણ –
મહંમદ ઉમર મુન્શી said,
April 3, 2024 @ 4:04 PM
વાહ વાહ સરસ મજાની ગઝલ