અને હું….. – મનોજ ખંડેરિયા
નગર મીણનું : ધોમ તડકા અને હું
પીગળતા રહ્યા મારી છાયા અને હું
આ ચોપાટનાં ખાલી ખાનાં અને હું
સ્મરણના જૂના પંગુ પાસા અને હું
હતું ચિત્ર આ ટ્રેન ગઈ એ પછીનુંઃ
ક્ષિતિજો સુધી જાતા પાટા અને હું
સમયના બધા બંધ દરવાજા જોઉં
લટકતાં નજર સામે તાળાં અને હું
અહીં તો સૂવાનું રહ્યું ભીષ્મ માફક
નીચે શબ્દનાં તીક્ષ્ણ ભાલાં અને હું
એ ઘટનાને કોઈ કહી દેશે મૃત્યુ
અલગ થઈ જતી મારી કાયા અને હું
– મનોજ ખંડેરિયા
“હતું ચિત્ર આ ટ્રેન ગઈ એ પછીનું……..” – જબરદસ્ત !!!
તમામ શેર બળકટ 👍🏻
pragnajuvyas said,
April 24, 2023 @ 7:39 PM
સ્વ.મનોજ ખંડેરિયાની ખૂબ સ રસ અભિવ્યક્તિવાળી ગઝલ,
મક્તા
એ ઘટનાને કોઈ કહી દેશે મૃત્યુ
અલગ થઈ જતી મારી કાયા અને હું
કવિએ કરેલું સર્જન એની સદ્ધર અને સશક્ત અભિવ્યક્તિ સાથે હંમેશ જીવંત રહેવાનું. સદેહે આપણી વચ્ચે ન હોવા છતાં સતત આપણી આજુબાજુમાં જ ક્યાંક હોવાનો અહેસાસ કરાવતી રહે છે ગઝલ. મનોજમય થઈ જવાયું……
Pravin Shah said,
April 25, 2023 @ 8:11 AM
ખૂબ સરસ !