એ ધારજે – અંકિત ત્રિવેદી
ચાહવાથી જે કશું આગળ હશે એ ધા૨જે,
પામવાથી જે કશું આગળ હશે એ ધારજે.
આપણે પહોંચી ગયાની રાહ જોવે છે સમય,
આવવાથી જે કશું આગળ હશે એ ધારજે.
હીંચકે એમ જ નથી બેસી અને ઝૂલી રહ્યાં,
ચાલવાથી જે કશું આગળ હશે એ ધારજે.
તું ખુમારીને કહી દેજે મને પૂછ્યા વગર,
ધા૨વાથી જે કશું આગળ હશે એ ધારજે.
તું કહે છે રાતભર ઊંઘ્યો નથી એવું નથી,
જાગવાથી જે કશું આગળ હશે એ ધારજે.
– અંકિત ત્રિવેદી
સરળ સહજસાધ્ય ગઝલ… સાદી ભાસતી વાતને આગળ ઉપર ધારવાનું આહ્વાન આપતી રદીફ વાતને વધુ વળ ચડાવી આપે છે…
Harihar Shukla said,
January 15, 2022 @ 5:15 PM
હશે કે હશે? એ ધારજે, ધારવાની પ્રક્રિયામાંથી સડસડાટ પસાર થઈ જતી સરળ પણ અદભૂત ગઝલ👌
Harihar Shukla said,
January 15, 2022 @ 5:17 PM
જે હશે એની ધારણા બાંધવાનું આમંત્રણ 👌
pragnajuvyas said,
January 15, 2022 @ 6:33 PM
અંકિત ત્રિવેદી , પોતે જે છટાથી કોઈ પણ ગઝલ રજૂ કરે છે
ત્યારે એમને સાંભળવાનો લ્હાવો અદભૂત હોય છે
ચાહવાથી જે કશું આગળ હશે એ ધા૨જે,
પામવાથી જે કશું આગળ હશે એ ધારજે.
વાહ
કેવી સરળ ને સત્ય અભિવ્યક્તિ!!
આમ તો આખી ગઝલ સારી છે, પણ હું પહેલા શેરથી આગળ નહીં વધું.
વાત છે શક્યતાને સાંધવાની અને પ્રતીક છે ધા૨જે,
ડૉ વિવેકના આસ્વાદ -‘રદીફ વાતને વધુ વળ ચડાવી આપે છે ‘
વાત અનુભવાય છે
JASHU MEHTA said,
January 15, 2022 @ 6:45 PM
લખવાથિ જે કશુઆગળ હશે તે તું ધારજે
ગમવાથી જે કશુઆગળ હશે એ ધારજે
Nilesh Rana said,
January 16, 2022 @ 12:29 AM
સરસ ગઝલ