હશે…. – ‘આશિત’ હૈદરાબાદી
કેટલા ખામોશ છે ? કા૨ણ હશે;
દૂઝતા હૈયે કોઈના વ્રણ હશે !
આંખ ઊંચી પણ નથી થાતી હવે,
ઊંઘનું કે ઘેનનું કારણ હશે!
રંગ ચહેરા પર ફરી આવી ગયો,
એક ક્ષણની એ ખુશી કારણ હશે !
એમ પાલવશે નહીં હારી ગયે,
ઝેરનું પણ કંઈક તો મારણ હશે !
કેમ સાકી જામ માપીને ભરે ?
આ સુરાલયનું કોઈ ધો૨ણ હશે ?
આમ બદનામી કરો ના દર્દની,
જિંદગી ખુદ મોતનું કારણ હશે !
એ જ ‘આશિત’નું હશે ઘ૨ જાણજો,
કંટકોનાં બારણે તોરણ હશે !
– ‘આશિત’ હૈદરાબાદી
pragnajuvyas said,
October 4, 2021 @ 8:56 AM
કવિશ્રી ‘આશિત’ હૈદરાબાદી ની સ રસ ગઝલ
યાદ આવે
કોણ હશે સ્વરગે દલપત્ત ,
ને કોણ હશે નરકે જન જાવા
લલિત ત્રિવેદી said,
October 6, 2021 @ 5:00 AM
સરસ ગઝલ
વરસો થી અમારા મિત્ર રહેલ શ્રી અશિત ભાઈને વંદન… ખૂબ ખૂબ જ પ્રેમાળ.. પરગજુ… સચ્ચા ગઝલકાર