(ચાન્સ આપું છું) – કિરણસિંહ ચૌહાણ
ખુશાલી, વ્યગ્રતા, મસ્તી, વ્યથાને ચાન્સ આપું છું,
બધાં જાણે જ છે કે હું બધાંને ચાન્સ આપું છું.
પછી એ નીકળ્યો ખોટો તો એમાં વાંક શું મારો?
મને તો એમ કે હું તો ખરાને ચાન્સ આપું છું.
બગાડ્યું કેટલું એણે! છતાં બદલો નથી લીધો,
હું ક્યારેક ન્યાય કરવાનો ખુદાને ચાન્સ આપું છું.
ખબર છે જિંદગી મૂકાઈ ગઈ છે દાવ પર તોયે,
દવા પડતી મૂકી તારી દુઆને ચાન્સ આપું છું.
એ મારી નમ્રતાને જો અગર કાયરતા સમજી લે,
પછી નાછૂટકે હું ઉગ્રતાને ચાન્સ આપું છું.
– કિરણસિંહ ચૌહાણ
સૉશ્યલ મિડીયાના પ્રતાપે ચારેતરફ જ્યાં જુઓ ત્યાં ગઝલોની અતિવૃષ્ટિ થઈ રહી છે. ગઝલોની આ ભરમારમાંથી કવિતા શોધી કાઢવાનું કામ ઘાસની ગંજીમાંથી સોય શોધવા જેવું વિકટ છે. આવામાં બહુ ઓછા ગઝલકાર એવા છે જેઓ persistently સારી ગઝલ આપતા રહે છે. કિરણસિંહ ચૌહાણ આવું જ એક નામ છે. ચાન્સ આપવા જેવી એકદમ રુઢ થઈ ગયેલી રદીફને બોલચાલની ભાષા સાથે ઓગાળી દઈને કવિ કેટલી મજબૂત ગઝલ આપે છે એ જુઓ!
સિકંદર મુલતાની said,
September 3, 2021 @ 2:23 AM
વાહ..
બહોત ખૂબ..
Bhavana Desai said,
September 3, 2021 @ 9:27 AM
સરસ.
pragnajuvyas said,
September 3, 2021 @ 9:29 AM
સુંદર ગઝલ
Mahesh chandra Naik said,
September 4, 2021 @ 12:10 AM
વાહ્,વાહ
સરસ ગઝલ….
કવિશ્રીને અભિનંદન…
હરીશ દાસાણી. said,
September 4, 2021 @ 12:24 AM
સરસ રજૂઆત
Shah Raxa said,
September 4, 2021 @ 2:37 AM
ખૂબ ખૂબ સરસ ગઝલ..
Preeti Purohit said,
September 6, 2021 @ 2:30 AM
બગાડ્યું કેટલું એણે! છતાં બદલો નથી લીધો,
હું ક્યારેક ન્યાય કરવાનો ખુદાને ચાન્સ આપું છું.
ખબર છે જિંદગી મૂકાઈ ગઈ છે દાવ પર તોયે,
દવા પડતી મૂકી તારી દુઆને ચાન્સ આપું છું.
વાહ, ખુબ સુન્દર અભિવ્યક્તિ.