(પારખજે હવે) – ચિનુ મોદી ‘ઇર્શાદ’
આયનેથી ધૂળ ઝાપટજે હવે,
તું ત્વચા ફાડીને અવતરજે હવે.
પાપણો બાળી ગયાં છે એટલે,
સ્વપ્નથી થોડુંક સાચવજે હવે.
મેં ફરી માળો બનાવ્યો વૃક્ષ પર,
વીજળીની જેમ ત્રાટકજે હવે.
હાથ મારો હાથમાં લીધો તો છે,
રોગ શો છે એય પારખજે હવે.
જાતને સીમિત કરી ‘ઇર્શાદ’ તેં,
શંખમાં દરિયાને સાંભળજે હવે.
– ચિનુ મોદી ‘ઇર્શાદ’
નાની અમથી ગઝલ પણ કવિએ કહ્યું છે એ રીતે શંખમાં દરિયાને સમાવી લેતી મનભર રચના. બધા જ શેર આસ્વાદ્ય થયા છે.
saryu parikh said,
August 14, 2021 @ 12:47 PM
વાહ!
pragnajuvyas said,
August 15, 2021 @ 5:53 PM
ખૂબ સુંદર
preetam lakhlani said,
August 16, 2021 @ 6:13 PM
મેં ફરી માળો બનાવ્યો વૃક્ષ પર,
વીજળીની જેમ ત્રાટકજે હવે. કયાં બાત હૈ…..બહુ જ ઉત્તમ શેર
Lata Hirani said,
August 18, 2021 @ 3:20 AM
તમામ શેર અદભુત !