વ૨સ મેઘ! તું વરસ – મનોહર ત્રિવેદી
વરસ મેઘ! તું વરસ, કહું છું, વ૨સી જાને….
આંખ માંડીએ… રિઝવીએ… પણ ધરે નહીં કાં કાને?
રેલા દડતાં જોઈ હોંશથી ગો૨ કહેશેઃ થેંક્યૂ…!
નહીં તો કહેશે ગામ કે: આણે તી૨ હવામાં ફેંક્યું
હશે ભરોસો… ભાખ્યું… ભોંઠપ થાશે ઈ ભોળાને…
વૈશાખે તો સમજ્યા કિન્તુ અષાઢમાં વંટોળ?
અવળે હાથે ક્યાં મૂકી છે વીજળીઓ, તું ખોળ
હમણાં રહો અલોપઃ કહેજે, સૂર્ય-ચન્દ્ર-તારાને….
વ૨સી જા તો ખેત૨-શેઢા દેશે સામો સાદ
ધરતી પર જે વળ્યા, હમેશાં તે જ મેળવે દાદ
શીતળ થાશે કણકણ, તારા નેહ-નીતરતાં ગાને.………
વરસ, મેઘ! તું વરસ, કહું છું, વ૨સી જાને…!
– મનોહર ત્રિવેદી
વરસાદ પડવાનું કામ ગેરવલ્લે મૂકીને બેઠો હોય, વૈશાખના સ્થાને અષાઢમાં પણ ઊના વંટોળ જ ફૂંકાતા હોય, આકાશમાંથી વીજળીના ઝબકાર ગાય્બ થઈ ગયા હોય અને સૂર્ય-ચંદ્ર-તારા વાદળોમાં છૂપાઈ જવાના બદલે પૂર્ણપ્રકાશિત રહેતા હોય ત્યારે માત્ર ચાતક કે ખેડૂતના હૈયા જ સાદ નથી પાડતાં, કવિ પણ આર્તસ્વરે ચિત્કારી ચિત્કારીને કહે છે કે વરસ મેઘ, તું વરસ! પણ મેઘને વરસવા માટે કવિ પાસે જે કારણો છે એ અદભુત છે. ગોરની ભવિષ્યવાણી ખોટી પડે અને ગામ આખું એને હવામાં તીર ફેંક્યું એમ કહીને મશ્કરી ન કરે અને એ ભોળાને ભોંઠપ ન થાય એ કારણોસર કવિ મેઘને વરસવાનું આહ્વાન દે છે. કેવી મજાની વાત!
કિશોર બારોટ said,
August 5, 2021 @ 2:07 AM
સમર્થ ગીતકારનું સુંદર ગીત. વાહ.
Pragna vashi said,
August 5, 2021 @ 2:22 AM
સરસ ગીત
વાહહહ
અભિનંદન અભિનંદન
Parbatkumar said,
August 5, 2021 @ 2:28 AM
વાહ
વરસ મેઘ તું વરસ…..
Parbatkumar said,
August 5, 2021 @ 2:29 AM
વાહ
વરસ મેઘ તું વરસ…..
pragnajuvyas said,
August 5, 2021 @ 10:01 AM
સુંદર ગીત
Lata Hirani said,
August 5, 2021 @ 1:27 PM
કેટલું ખળખળ વહેતું ગીત !
‘થેંક્યું’ શબ્દ પણ વહેણમાં જ ભળી જાય છે !
સલામ કવિ મનોહરભાઈને ..
DILIPKUMAR CHAVDA said,
August 5, 2021 @ 1:31 PM
મજાનું ગીત નકરી મોજ
Maheshchandra Naik said,
August 6, 2021 @ 1:11 AM
સરસ ગીત્…
Chetan Shukla said,
August 7, 2021 @ 11:53 PM
મસ્ત અને અલગ જ ભાવનું ગીત…વાહ