(ખરી નમાજ થશે) – સુનીલ શાહ
કોઈને તારે લીધે હાશ થશે,
એ જ તારી ખરી નમાજ થશે.
લાગણી તારી માત્ર ભાવ થશે,
હૂંફ આપે પછી એ શાલ થશે.
રક્તરંજિત કરીને છોડશે એ,
જીભ તારી અગર કટાર થશે.
ના ઉઠાવી શક્યા અવાજ કદી,
એટલે આપણી જ હાર થશે.
તું જગતના પ્રવાહથી છે અલગ,
એટલે કૈંક તો સવાલ થશે.
લાલચે ઘેરી લીધો છે એને,
જાળ નાંખ્યા વગર શિકાર થશે.
એવું નહિ કે બધે જ ઝૂકી જઉં,
ક્યાંક મારીય આંખ લાલ થશે.
– સુનીલ શાહ
ગઝલમાં ‘અ’કારાન્ત કાફિયા આમ તો ગુજરાતી સિવાયની ભાષામાં સ્વીકાર્ય જ નથી. ગુજરાતી ભાષામાં પણ સુરત સિવાયના પ્રદેશોમાં એની સામે અવારનવાર વિરોધ નોંધાતો જોવા મળે છે. પણ જો અકારાંત કાફિયા વાપરીને કવિ આવી સાદ્યંત સુંદર રચના આપી શકતા હોય તો મારા મતે એ સર્વથા સ્વીકાર્ય છે…
એકદમ સરળ ભાષામાં કવિ અદભુત અર્થગહન શેરો નિપજાવી શક્યા છે. આખેઆખી રચના જ સંઘેડાઉતાર થઈ છે. કયો શેર વધુ ગમાડવો ને કયો ઓછો એ નક્કી કરવા બેસીએ તો જાત સાથે જ ઝઘડો થઈ જાય કદાચ… વાહ કવિ!
ગૌરાંગ ઠાકર said,
June 25, 2021 @ 2:46 AM
વાહ વાહ. આખી ગઝલ ખૂબ જ સરસ છે.
Turab Mandapwala said,
June 25, 2021 @ 3:07 AM
વાહ વાહ, ગજબની રજૂઆત,
ખુબ ખુબ અભિનંદન
રાજુ પ્રજાપતિ said,
June 25, 2021 @ 3:11 AM
આખી ગઝલ સુંદર .. મતલા વિશેષ ગમ્યો ..
Prem Sumesara said,
June 25, 2021 @ 4:04 AM
સુનીલભાઈની ગઝલ કદી ઉપર છલ્લી ના હોય…
એમની ગઝલનાં ઊંડાણ પામવું હોય તો વાચક અને ભાવકે પણ ડૂબકી મારવી પડે..
Charulata Anajwala said,
June 25, 2021 @ 4:34 AM
સાચું જ કહ્યું, “આખેઆખી રચના જ સંઘેડાઉતાર” 👌👌👌
Pravin Shah said,
June 25, 2021 @ 5:33 AM
વાહ, વાહ ! ખૂબ સરસ !
સુનીલ શાહ said,
June 25, 2021 @ 12:32 PM
કવિ શ્રી વિવેકભાઈનો તથા
પ્રોત્સાહક પ્રતિભાવ આપનાર તમામનો દિલથી આભારી છું.
pragnajuvyas said,
June 25, 2021 @ 1:30 PM
ખૂબ જ સરસ ગઝલ
એવું નહિ કે બધે જ ઝૂકી જઉં,
ક્યાંક મારીય આંખ લાલ થશે.
વાહ્
Rameshchandrs T.Shah said,
June 25, 2021 @ 9:58 PM
ગઝલ ની જાણકારી એટલી બધી નથી છતાં ગમી.
હરીશ દાસાણી said,
June 26, 2021 @ 1:00 AM
દરેક શેર પર દાદ દેવી જ પડે એવી મસ્ત ગઝલ
Maheshchandra Naik said,
June 26, 2021 @ 7:52 PM
વાહ, વાહ,વાહ….
બધા જ શેર જાજરમાન, ગઝલ કાબિલે દાદ….
એવું નહિ કે બધે જ ઝૂકી જઉં
ક્યાંક મારીય આંખ લાલ થશે.
હુબ ગમતો શેર….કવિશ્રી સુનીલભાઈ ને અભિનદન….