છિન્નપંખ – ઉષા ઉપાધ્યાય
જાણું છું
ન્યાયની દેવીની આંખે બંધાયેલા પાટા
ક્યારેય ખૂલવાના નથી
ત્રાજવાંનાં બંને પલ્લાં
ક્યારેય સમધારણ થવાનાં નથી
અને છતાં
કપાયેલી પાંખના મૂળમાં બચેલાં
એકાદ પીંછાને આધારે
આ તે કઈ આશાથી
હું વીંધવા મથું છું
અનંત અંધકારભર્યા આ મહાસાગરને !?
– ઉષા ઉપાધ્યાય
નાની અમથી કવિતા પણ નારીવેદનાનો વેદ જાણે!
યુગયુગોથી રુઢ થઈ ગયેલી લાઇલાજ સ્ત્રી-પુરુષ અસમાનતાનો સ્વીકાર તો છે પણ એમાં નફરત કે ગુસ્સો જરાય જોવા મળતા નથી. જમાનાએ સ્ત્રીઓને છિન્નપંખ કરીને રાખી છે. પણ પુરુષોએ એમની પાંખો ભલે કાપી કેમ ન લીધી હોય, એના મૂળમાં બચી ગયેલ એકાદ પીંછાના આધારે સ્ત્રી અનંત અંધકારભર્યા અન્યાયના મહાસાગરને વીંધીને પાર કરવાની આશા ત્યાગતી નથી. આ આશા એ જ સ્ત્રી છે. સર્વસ્વની અનુપસ્થિતિમાં પણ અસ્તિત્ત્વ ટકાવી રાખી શકે અને અંધારાની ખીણમાં પડીનેય ઉર્ધ્વગતિની આશાનો ત્યાગ ન કરે એનું જ નામ સ્ત્રી…
Kajal kanjiya said,
March 26, 2021 @ 2:40 AM
ખૂબ સરસ હૃદય વેધક રચના અભિનંદન ઉષા દી💐
અને આવી રચનાઓ વાચકો સુધી લાવવા માટે લયસ્તરોનો પણ ખૂબ ખૂબ આભાર અને શુભેચ્છાઓ 💐😊
રાજુ પ્રજાપતિ said,
March 26, 2021 @ 7:30 AM
સ્ત્રીની વેદનાને વાચા આપતી રચના … અભિનંદન કવિયત્રીને .. આભાર આપની . આવી રચનાને લયસ્તર દ્વારા ભાવકો સુધી પહોચાડવા બદલ …
pragnajuvyas said,
March 26, 2021 @ 10:58 AM
સુ શ્રી ઉપાધ્યાય ઉષા ઘનશ્યામભાઈ એમ. એ.; પીએચ.ડી. પ્રોફેસર અને અધ્યક્ષ, ગુજરાતી વિભાગ, ગૂજરાત વિદ્યાપીઠ, અમદાવાદએ સ્ત્રી સર્જકોની પ્રતિભાને મંચ પૂરું પાડતો માનસ સંતાન એક અલાયદો જુઇ મેળો ! જે માત્ર ચાર જ વરસમાં પોતાની ગુણવત્તાને કારણે આંતરરાષ્ટ્રીય બન્યો છે.
તેમનું હૃદય વેધક અછાંદસ છિન્નપંખ નો ડૉ વિવેક દ્વારા-‘અંધારાની ખીણમાં પડીનેય ઉર્ધ્વગતિની આશાનો ત્યાગ ન કરે એનું જ નામ સ્ત્રી…’ સટિક આસ્વાદ
તેઓ ના સ્વમુખે પઠન માણવાની મજા તો કંઈ ઓર !
Maheshchandra Naik said,
March 26, 2021 @ 2:35 PM
સરસ રચના……આસ્વાદ પણ ખુબ માર્મિક……..
કવિયત્રીને અભિનદન,
ડો.વિવેકભાઈનો આભાર
Harihar Shukla said,
March 27, 2021 @ 5:20 AM
ઓહો
લલિત ત્રિવેદી said,
March 29, 2021 @ 10:31 AM
બહુ સરસ
Usha Upadhyay said,
August 27, 2021 @ 6:48 AM
નારીચેતનાનું મારું આ કાવ્ય લયસ્તરો દ્વારા સાચા કાવ્યરસિકો સુધી પહોંચાડવા માટે કવિ વિવેક ટેલરનો તથા પ્રતિભાવ આપનાર સહુનો હાર્દિક આભાર.
ઉષા ઉપાધ્યાય
વિવેક said,
August 27, 2021 @ 7:48 AM
@ ઉષાબેન :
અમારી વેબસાઇટ ઉપર આપનું આગમન અમારે મન મોટો પુરસ્કાર છે…
આભાર.