ચરણ – ચંદ્રેશ મકવાણા ‘નારાજ’
રાજી કે ગુસ્સે હવે થાતી નથી
મા અહીં જ છે પણ એ દેખાતી નથી
આ બધી નકલી છે આંબાવાડીઓ?
કોઈ કોયલ કેમ અહીં ગાતી નથી?
કાં રમકડું લઈ શકું કાં રોટલી,
વાત એ બાળકને સમજાતી નથી.
કાં ચરણ ફંટાય છે કાં ચાહના
કેડીઓ ક્યારેય ફંટાતી નથી.
વેંત ઊંચી વાડ છે વિખવાદની
આપણાથી એય ઠેકાતી નથી.
– ચંદ્રેશ મકવાણા ‘નારાજ’
માની હાજરી એના મૃત્યુ પછી પણ ઓસરતી ન હોવાની વાત કરતો મત્લા તરત જ સ્પર્શી જાય એવો છે. વાસ્તવિક્તા સાથે સંધાન ન હોવું એ બાળક હોવાનું સુખેય ખરું અને દુઃખેય ગણી શકાય. બાળકને બધું જ જોઈતું હોય છે. ગરીબમાં ગરીબ બાળકને પણ પેલા બાળકને મળે છે એ મને કેમ નથી મળતું એ સહજ સમજાતું નથી. છેલ્લા બે શેર તો શિરમોર થયા છે.
Harihar Shukla said,
February 11, 2021 @ 1:33 AM
વિખવાદ વેંત જ ઊંચી વાડ જેવડો અને એનેય પાર કરી શકાતો નથી 👌💐
લવ સિંહા said,
February 11, 2021 @ 2:05 AM
વાહ સરસ ગઝલ
શૈલેશ ગઢવી said,
February 11, 2021 @ 11:15 AM
ખૂબ સરસ ગઝલ
pragnajuvyas said,
February 11, 2021 @ 11:48 AM
કવિશ્રી ચંદ્રેશ મકવાણા ‘નારાજ’ની સુંદર ગઝલનો ડૉ વિવેક દ્વારા સ રસ આસ્વાદ
આ શેર
કાં રમકડું લઈ શકું કાં રોટલી,
વાત એ બાળકને સમજાતી નથી.
સૌથી વધુ ગમ્યો
Nitin goswami said,
February 11, 2021 @ 12:26 PM
વાહ… એક થી એક સુંદર રચના શોધી લાવો છો સર..આભાર
Mayurika Leuva said,
February 11, 2021 @ 12:42 PM
ખૂબ સુંદર ગઝલ. વાહ..
Anjana bhavsar said,
February 11, 2021 @ 1:26 PM
સરસ ગઝલ
Maheshchandra Naik said,
February 11, 2021 @ 2:54 PM
સરસ ગઝલ,
કાં ચરણ ફંટાય છે કે કાં ચાહના
કેડીઓ ક્યારેય ફંટાતી નથી,
ખુબ સરસ વાત કરી દીધી,
કવિશ્રીને અભિનદન……….