અહીં હરએક માણસ બુદ્ધ છે….- રમેશ પારેખ
એકલો છે યાને સોએ સો ટકા એ શુદ્ધ છે,
આ પરિસ્થિતિમાં અહીં હરએક માણસ બુદ્ધ છે.
છીનવી લીધાં પ્રથમ તેણે બધાં હથિયાર પણ,
ને કહ્યું તારી હયાતી તો સ્વયં એક યુદ્ધ છે.
જેને તેં ખંડેરમાં પલટાવ્યું એ મારું હૃદય,
આજ પણ તારાં સ્મરણથી કેટલું સમૃદ્ધ છે.
જન્મતાવેંત જ નસીબ કમ્મરથી ઝૂકેલું મળે,
એટલે અહીં કોઈ પણ ઉંમરની વ્યક્તિ વૃદ્ધ છે.
વિશ્વ એની ગતમાં ચાલે તારી ગતમાં તું રમેશ,
એટલે રસ્તા બધા દુઃસ્વપ્નથી અવરુદ્ધ છે.
– રમેશ પારેખ
pragnajuvyas said,
April 14, 2020 @ 11:26 AM
ર.પા.નું અમર અને અદભૂત ગઝલ!
છીનવી લીધાં પ્રથમ તેણે બધાં હથિયાર પણ,
ને કહ્યું તારી હયાતી તો સ્વયં એક યુદ્ધ છે.
જેને તેં ખંડેરમાં પલટાવ્યું એ મારું હૃદય,
આજ પણ તારાં સ્મરણથી કેટલું સમૃદ્ધ છે.
સરસ
અનિલ શાહ. પુના. said,
August 16, 2020 @ 12:20 AM
ખબર મને કેટલો હું શુદ્ધ છું,
અને કેટલો બધો વિશુદ્ધ છું,
નજરમાં લોકોની વિરુદ્ધ છું,
એટલે તો સમજો બુધ્ધ છું,