સદીનું પ્રતિબિંબ – રમેશ પારેખ
સદીનું પ્રતિબિંબ ક્ષણમાં હશે,
ક્યો થાક મારા ચરણમાં હશે ?
ઠરી જાય છે કલ્પનાની નદી,
કયો ભેદ વાતાવરણમાં હશે ?
વિહગ છેતરાતું પ્રતિબિંબથી,
ગગન જાણે નીચે ઝરણમાં હશે !
નગરમાંય સામાં મળે ઝાંઝવાં,
અહીં એ કઈ વેતરણમાં હશે ?
ન જીવનમાં કારણ મળ્યાં સ્વપ્નનાં,
તો એનાં રહસ્યો મરણમાં હશે ?
નગર જેને સદીઓથી શોધી રહ્યું,
એ કલશોર કોના સ્મરણમાં હશે ?
– રમેશ પારેખ
એક-એક શેર પાણીદાર. આવી ગઝલ વિશે કંઈ પણ બોલવું એ ગઝલના નિરવદ્ય આનંદમાં વિક્ષેપ કરવા બરાબર છે… એક-એક શેર વારંવાર મમળાવીએ અને હળવે હાથે ઉઘાડીએ…
હરિહર શુક્લ said,
May 8, 2020 @ 6:43 AM
પ્રશ્નો પ્રશ્નો અને પ્રશ્નો
… હશે?
# બધા શેરમાં સિવાય એકમાં જ્યાં વિહગ છેતરાતું જણાય છે!
નરી મોજ 👌💐
Vinod manek , Chatak said,
May 8, 2020 @ 7:16 AM
Bemisal Gazal..
Ramesh Parekh….Etle surjan no Dariyo
pragnajuvyas said,
May 8, 2020 @ 2:06 PM
વારંવાર વાગોળવી ગમે તેવી ગઝલનો અદભૂત મક્તા.
જ્યારે કવિ પોતાને ઈશ્વરની વધારે નજીક અનુભવે છે એ વખતે લખાતો શેરસ મયાતીત બની જાય છે . કાળમાં મહાકાળને ઓળખવા અને ઓળખીને પૂજવા એજસ્તો જિન્દગી છે.એ જ લાગણીઓનો કલશોર…ભાષા ને ગઝલના ઉઘડે જ્યાં ભાગ્ય ત્યારે જઇને એકાદ ર.પા. અવતરે
Kajal kanjiya said,
May 8, 2020 @ 10:23 PM
ઠરી જાય છે કલ્પનાની નદી….
વાહહહ ખૂબ સરસ
Pravin Shah said,
May 8, 2020 @ 10:26 PM
ન જીવનમાં કારણ મળ્યાં સ્વપ્નનાં,
ને છતાંય આપણે સ્વપ્ન જોતા રહયા… ખૂબ સુંદર ગઝલ..