પ્રભાવ કહું – સંજુ વાળા
ભાવ સમજુ ‘ને હાવભાવ કહું
કે, ઉમળકાનો ઘન ચઢાવ કહું ?
ના હું બદલાઉં, ના બનાવ કહું
આવનારા તને શું ‘આવ’ કહું ?
આજ એકાંત અઘરું લાગે છે –
એને તારી અસર કે તાવ કહું ?
સાવ પાસે જઈને અટકી જવું
વિઘ્ન સમજું, સહજ પ્રભાવ કહું ?
વાતમાં બીજી વાત ગૂંથીને –
ચાલું રાખું કે ‘રૂક્જાવ’ કહું ?
આંખ બેઠી છે દૃશ્યના ટેકે
દૃશ્યને આંખનો લગાવ કહું ?
આ કહ્યા સાંભળ્યાની આડશ લઈ
માત્ર અંગત અનોખી રાવ કહું !
– સંજુ વાળા
આંખ બેઠી છે દૃશ્યના ટેકે……..-વાહ !!!!!
સંજુ વાળા said,
February 26, 2019 @ 12:13 PM
ખૂબ ખૂબ આભાર
M.J.A.Kassam said,
February 27, 2019 @ 5:23 AM
બહુજ આનદ થયો
તમારો આભાર અને ધન્યવાદ
Shabnam khoja said,
March 1, 2019 @ 12:15 PM
આજ એકાંત અઘરું લાગે છે –
એને તારી અસર કે તાવ કહું ?
અહાઆઆ ..મસ્ત ગઝલ સાહેબ 💐💐💐💐
જગદીશચંદ્ર ત્રિવેદી said,
March 7, 2019 @ 12:10 PM
ગઝલ ની એક સાવ નોખી તરાહ. એક અનોખો ચીલો કવિતાનો એટલે સંજુ વાળા. રોજ઼ નાવીન્ય એની કવિતામાં લાવે. ભાવકને અભિભૂત કરીદે.