ખુશબૂ અડચણ વિના વહે છે બધે,
વહાલની વાત છે, પ્રચાર નથી.
વિવેક મનહર ટેલર

ભણકારા હશે….- જવાહર બક્ષી

September 19, 2018 at 3:26 AM by તીર્થેશ · Filed under ગઝલ, જવાહર બક્ષી

જે ક્ષિતિજો પર વિખેરાયા હશે
એ વિરહના ધુમ્મસી ચહેરા હશે

લાગણી ક્યારેય પૂરી થાય નહી
એને માટે જે હતી, ઈચ્છા હશે

બારણું નહીં ખોલું તો કોઈ હશે
બારણું ખોલીશ તો ભણકારા હશે

આગની આવી તો હિંમત હોય નહી
જે મને બાળી ગયા, તણખા હશે

કેમ એ આવ્યા નહીં કોને ખબર?
એમને પણ કોઈ મર્યાદા હશે

-જવાહર બક્ષી

ત્રીજો શેર જુઓ !!!

2 Comments »

  1. SARYU PARIKH said,

    September 19, 2018 @ 9:28 AM

    વાહ્ બહુ સરસ.

  2. Lalit Trivedi said,

    September 19, 2018 @ 2:49 PM

    બહુ સરસ ગઝલ

RSS feed for comments on this post · TrackBack URI

Leave a Comment