જમાનાના ખાધેલ હૈયાને પૂછો, અમે શું ગુમાવ્યું ને શું મેળવ્યું છે !
અમસ્તી નિછાવર નથી ‘શૂન્ય કીધી, ફક્ત એક નજર પર યુગોની કમાણી !
શૂન્ય પાલનપુરી

……..કોઇ અરે ! – નયન હ. દેસાઈ

May 7, 2018 at 9:27 AM by તીર્થેશ · Filed under ગીત, નયન દેસાઈ

પહેલાં પવન્ન પછી ધીંગો વરસાદ
પછી ડાળખીથી પાંદડું ખરે
એમ આવે છે યાદ કોઇ અરે !

થોડું એકાંત પછી મુઠ્ઠીભર સાંજ
પછી પગરવનું ધણ પાછુ ફરે
એમ આવે છે યાદ કોઇ અરે ! પહેલાં…

બારી ઉઘાડ એવી ઘટના બને
કે આંખ પાણીની જેમ જાય દદડી,
બારણે ટકોરાઓ એવા પડે કે
પછી વાણીની જેમ જાય દદડી,

આગળી ફટાક દઇ ખૂલે ઝૂલે ને
પછી થોડી વાર તરફડાટ કરે
એમ આવે છે યાદ કોઇ અરે… પહેલાં…

પંખીના ટોળામાં આછો બોલાશ બની
ટહુકાઓ જેમ જાય ભળી,
અંધારુ પગ નીચે દોડીને આવે
ને અજવાળું જાય એમાં ઓગળી

આકાશે વાદળીઓ તૂટે – બને
ને પછી સોનેરી રાજહંસ તરે
એમ આવે છે યાદ કોઇ અરે… પહેલાં…

– નયન હ. દેસાઈ

નજાકત ભરેલું નમણું ગીત……

6 Comments »

  1. JAFFER said,

    May 8, 2018 @ 4:28 AM

    એમ આવે છે યાદ કોઇ અરે !

  2. suresh shah said,

    May 8, 2018 @ 7:05 AM

    Bahu Sarash Keep it Up

  3. ketan yajnik said,

    May 8, 2018 @ 7:57 AM

    નમનુ ગેીત્

  4. HASMUKH SHAH said,

    May 8, 2018 @ 8:55 AM

    અતિ ભાવુક રચના !

  5. ketan yajnik said,

    May 8, 2018 @ 8:56 AM

    અતિ ભાવુક રચના !

  6. ketan yajnik said,

    May 8, 2018 @ 8:58 AM

    Very touching !

RSS feed for comments on this post · TrackBack URI

Leave a Comment