પ્રથમ કો’ નયનથી નયનનું મિલન,
પછી નિત્ય જ્વાળામુખીનું જતન.
શૂન્ય પાલનપુરી

ચાલ, ફરીએ ! – નિરંજન ભગત

ચાલ, ફરીએ !
માર્ગમાં જે જે મળે તેને હ્રદયનુ વ્હાલ ધરીએ !

બહારની ખુલ્લી હવા
આવે અહીં, ક્યાં લૈ જવા ?
જ્યાં પંથ નવા, પંથી નવા;
એ સર્વનો સંગાથ છે તો નિત નવા કૈં તાલ કરીએ !

એકલા રહેવું પડી ?
આ સૃષ્ટિ છે ના સાંકડી !
એમાં મળી જો બે ઘડી
ગાવા વિષે, ચ્હાવા વિષે; તો આજની ના કાલ કરીએ !
ચાલ ફરીએ !

-નિરંજન ભગત

કાવ્યની સુંદરતા તેની સરળતામાં છે. જેમ જેમ કવિનું કદ વધતું જાય તેમ તેમ તેની વાણીમાં લાઘવ અને સરળતા આવતી જાય…..

9 Comments »

  1. ભૂપેન્દ્ર ગૌદાણા,વડોદરા said,

    January 6, 2013 @ 2:27 am

    ચાલ, ફરીએ !
    માર્ગમાં જે જે મળે તેને હ્રદયનુ વ્હાલ ધરીએ !

    જ્યાં પંથ નવા, પંથી નવા;
    એ સર્વનો સંગાથ છે તો નિત નવા કૈં તાલ કરીએ !

    ગાવા વિષે, ચ્હાવા વિષે; તો આજની ના કાલ કરીએ !
    ચાલ ફરીએ !

    નિરંજન ભગતની વાત જ કંઈક અલગ !જુઓ ને આખી રચના માંથી બબ્બે લાઈન બાદ કરી તો પણ સ હેજે રસ ભંગ નથી થતો! અને ખાસ તો નિરંજન ભગતની નિખાલસ નમ્રતા સ્પર્શી ગઈ!

    આપણે પણ ચાલો ને

    ગાવા વિષે,ચ્હાવા વિષે; આજની ના કાલ કરીએ !
    માર્ગમાં જે જે મળે તેને હ્રદયનુ વ્હાલ ધરીએ !
    જ્યાં પંથ નવા, પંથી નવા;
    એ સર્વનો સંગાથ છે તો નિત નવા કૈં તાલ કરીએ !

    વાહ!! વડોદરાની, ૬જાન્યુ. રવિવાર ની ૧૨* ઠંડીમાં ગરમાવો આવી ગયો!

    એકલા રહેવું પડી ?
    આ સૃષ્ટિ છે ના સાંકડી !
    એમાં મળી જો બે ઘડી
    ગાવા વિષે, ચ્હાવા વિષે; તો આજની ના કાલ કરીએ !
    ચાલ ફરીએ !

    ધ બર્નીંગ ટ્રેઈન નું ” પલ દો પલ કા સાથ હમારા.. પલ દો પલ કા યારાના..
    *આમાં પલ દો પલ નો અર્થ જબ તક સાઁસ,તબ તક આશ.. સમજવો!

  2. ચેતન મહેતા said,

    January 6, 2013 @ 4:48 am

    વાહ ! જિવન આવુ જ છે. બે ઘડીમા જે મળે તેને હ્રદયનુ વ્હાલ કરી લેવામા જ મઝા છે.

  3. ચેતન મહેતા,ચલથાણ,સુરત. said,

    January 6, 2013 @ 4:51 am

    વાહ ! જિવન આવુ જ છે. બે ઘડીમા જે મળે તેને હ્રદયનુ વ્હાલ કરી લેવામા જ મઝા છે.

  4. perpoto said,

    January 6, 2013 @ 7:07 am

    ચાલ ફરીયે….આવું જ કૈંક ભગત સાહેબ ફરવા આવ્યો છું મા કરે છે(ધવલભાઇએ જેનો રસાસ્વાદ ૨૦૦૫ માં કરાવ્યો હતો)

  5. vijay joshi said,

    January 6, 2013 @ 9:37 am

    હું જગ પ્રવાસનો જગ-મિત્ર છું એટલે નિરંજનભાઈ જાણે મારી જ વાત કહી રહ્યા છે એવું લાગ્યું.
    એમની આ અપ્રતિમ કવિતા પ્રેરિત મારા બે હાઇકુ મુકું છું.

    તારી આંખમાં
    હું, મારી આંખમાં તું,
    ચાલ મળીએ!

    દેશ વિદેશ
    નવી ચાલ ચાલીએ,
    ચાલ ફરીએ!

  6. pragnaju said,

    January 6, 2013 @ 11:54 am

    અદભૂત
    ઘડીને રળીયામની બનાવવાની વાત,
    અનુભવવાની વાત
    તેમની મને ખૂબ ગમતી રચના
    કાળની કેડીએ ઘડીક સંગ
    રે ભાઈ, આપણો ઘડીક સંગ;
    આતમને તોય જનમોજનમ લાગી જશે એનો રંગ !
    ધરતી આંગણ માનવીના આ ઘડીક મિલનવેળા,
    વાટમાં વચ્ચે એક દી નકી આવશે વિદાયવેળા!
    તો કેમ કરીનેય કાળ ભૂલે ના એમ ભમીશું ભેળા !
    હૈયાનો હિમાળો ગાળી ગાળીને વહશું હેતની ગંગ !
    પગલે પગલે પાવક જાગે ત્યાં ઝરશું નેનની ઝારી,
    કંટકપથે સ્મિતવેરીને મ્હોરશું ફૂલની ક્યારી;
    એકબીજાને જીતશું, રે ભાઈ,જાતને જાશું હારી !
    ક્યાંય ના માય રે આટલો આજ તો ઉરને થાય ઉમંગ !

  7. Rekha Sindhal said,

    January 6, 2013 @ 12:56 pm

    કવિની “હુઁ તો બસ ફરવા આવ્યો છું. ગીત પ્રમનું પૃથ્વીના કર્ણપટે ધરવા આવ્યો છું” રચના યાદ આવી ગઈ. સુંદર ભાવવાહી રચનાઓ.

  8. Pravin Shah said,

    January 6, 2013 @ 11:20 pm

    ખૂબ જ સુંદર કવિતા !

  9. Maheshchandra Naik said,

    January 7, 2013 @ 2:10 pm

    સરસ કાવ્ય, કવિશ્રી બધાને જ વહાલની વાત કરે છે……

RSS feed for comments on this post · TrackBack URI

Leave a Comment