માત્ર માણસજાતની વસ્તી વધે નહીં
હિન્દુ મુસ્લિમ શીખ ઈસાઈ વધે છે
ભરત વિંઝુડા

ભમરો – પ્રદ્યુમ્ન તન્ના


(લીમડાની એક ડાળ મીઠી…       … ચિત્રાંકન: પ્રદ્યુમ્ન તન્ના)

બ’ઈ ! આ ભમરાને ક્યમ કાઢું ?!
જરી ન જાતો આઘો હું તો ઘણુંય નીર ઉડાડું !

પલક અહીંથી, પલક તહીંથી
લળે વીંઝતો પાંખ્યું,
બે કરથી આ કહો કેટલું
અંગ રહે જી ઢાંક્યું ?!
જાઉં ગળાબૂડ જળમાં તોયે મુખ તો રહે ઉઘાડું !
બ’ઈ ! આ ભમરાને ક્યમ કાઢું ?!

મેલી મનહર ફૂલ પદમનાં
પણે ખીલ્યાં કૈં રાતાં,
શુંય બળ્યું દીઠું મુજમાં કે
આમ લિયે અહીં આંટા ?
ફટ્ ભૂંડી ! હું છળી મરું ને તમીં હસો ફરી આડું !
બ’ઈ ! આ ભમરાને ક્યમ કાઢું ?!

– પ્રદ્યુમ્ન તન્ના

જે દિવસે સૌપ્રથમવાર પ્રદ્યુમ્ન તન્નાનું એક ગીત વાંચ્યું એ જ દિવસથી એમના તરફ અનોખો પક્ષપાત થઈ ગયો. અને કેમ ન થાય? આ એક સાવ સરળ સીધ્ધું-સટ્ટ ગીત જ જોઈ લ્યો ને ! આ ભાષાના પ્રેમમાં ન પડાય તો જ નવાઈ… ખરું ને ?

4 Comments »

  1. Pinki said,

    September 7, 2007 @ 6:41 am

    એમનાં શબ્દોની ગૂંથણી અને આ લોકબોલીની મીઠાશ છે જ એવી કે
    સાચે જ આપણા હ્રદયમાં અનન્ય સ્થાન મેળવી લે છે…….

    ફરી એક સુંદર ગીત………

    મેલી મનહર ફૂલ પદમનાં
    પણે ખીલ્યાં કૈં રાતાં,
    શુંય બળ્યું દીઠું મુજમાં કે
    આમ લિયે અહીં આંટા ?

    ખૂબ મજા આવી …………..

  2. Bhavna Shukla said,

    September 7, 2007 @ 9:42 am

    શુંય બળ્યું દીઠું મુજમાં કે
    આમ લિયે અહીં આંટા ?
    ……………………………………..
    સાદગી અને સરળતાનો કેવો અદભૂત શબ્દાલય!!!!

  3. Pranav said,

    September 8, 2007 @ 7:47 am

    પ્રદ્યુમ્નભાઈ,
    બાપુ, નોખુ કાઠુ કા’ઈઢુ છે, તમે!
    ભાષા ઉપર સ્વામી આનંદ જેવી પક્કડ કહુ તો અતિશયોક્તિ કહેવાય્?

  4. ashok nanubhai said,

    September 11, 2007 @ 1:52 am

    wonderful..fantastic..you have painted the poetry..expressions..i can listen to BHAMRA’s humming and can see the NAYIKA romantically feeling shy..Bapu..Bapu..

RSS feed for comments on this post · TrackBack URI

Leave a Comment