ઝાહિદ, મને રહેવા દે તબાહીભર્યા ઘરમાં,
મસ્જિદથી વધારે અહીં આવે છે ખુદા યાદ.
મરીઝ

ગઝલ – પ્રણય જામનગરી

સમજી નહીં સમજાય એવી ચાલ હોય છે,
એ આપણા, આ મનને કદી ખ્યાલ હોય છે !

મૂંગા રહીને સાંભળે તેઓ સુખી રહે,
અહીં તો બધાના સ્કંધ પર વૈતાલ હોય છે.

માણી નથી શકતા કદી; એ સ્હેજ આજને,
ઘૂમરાતી જેના મન મહીં ગઈ કાલ હોય છે.

વેરાનમાંય વસ્તી એ ઊભી કરી શકે,
આ શબ્દ પણ સાચે અહીં કમાલ હોય છે.

સહેલાઈથી એ પણ નથી ઊકલી જતો અહીં,
ને સાવ નાનો આમ તો સવાલ હોય છે.

સહેલાઈથી ઓળંગવી મુશ્કેલ છે અહીં,
આ પંથમાં લાખો, ‘પ્રણય’ દીવાલ હોય છે.

– પ્રણય જામનગરી

બધા જ શેર પાણીદાર…

5 Comments »

  1. મીના છેડા said,

    July 6, 2012 @ 1:40 AM

    મૂંગા રહીને સાંભળે તેઓ સુખી રહે,
    અહીં તો બધાના સ્કંધ પર વૈતાલ હોય છે.

    માણી નથી શકતા કદી; એ સ્હેજ આજને,
    ઘૂમરાતી જેના મન મહીં ગઈ કાલ હોય છે.

    વેરાનમાંય વસ્તી એ ઊભી કરી શકે,
    આ શબ્દ પણ સાચે અહીં કમાલ હોય છે.

    – ખરેખર કમાલ!

  2. Rina said,

    July 6, 2012 @ 2:33 AM

    વેરાનમાંય વસ્તી એ ઊભી કરી શકે,
    આ શબ્દ પણ સાચે અહીં કમાલ હોય છે.
    Aaawessome….

  3. pragnaju said,

    July 6, 2012 @ 8:11 AM

    મસ્ત ગઝલના બધા શેરોમા આ વધુ ગમ્યા
    વેરાનમાંય વસ્તી એ ઊભી કરી શકે,
    આ શબ્દ પણ સાચે અહીં કમાલ હોય છે.

    સહેલાઈથી એ પણ નથી ઊકલી જતો અહીં,
    ને સાવ નાનો આમ તો સવાલ હોય છે.
    તેમની જ આ ગઝલની યાદ આપે છે
    કેટલાં કામ લઈને ઊભો છું
    હાથ સૂમસામ લઈને ઊભો છું. .
    રાત વીતે પછી વિચારીશું
    ધૂંધળી શામ લઈને ઊભો છું. .
    ખાલીપો જે મહીં ભરેલો છે
    હું એવો જામ લઈને ઊભો છું. .
    આ હકીકત મને ડરાવે છે
    સ્વપ્નનું ગામ લઈને ઊભો છું.

  4. rajul b said,

    July 6, 2012 @ 10:18 AM

    વેરાનમાંય વસ્તી એ ઊભી કરી શકે,
    આ શબ્દ પણ સાચે અહીં કમાલ હોય છે.

    વાહ્હ્..
    આ પંક્તિઓ વિશે શુ કહેવુ?..બસ મૌન રહી ને માણવી રહી

  5. nehal said,

    July 8, 2012 @ 12:03 PM

    ચોટદાર….!

RSS feed for comments on this post · TrackBack URI

Leave a Comment