આજ અંધાર ખુશબો ભર્યો લાગતો,
આજ સૌરભ ભરી રાત સારી;
આજ આ શાલની મંજરી ઝરી ઝરી,
પમરતી પાથરી દે પથારી.
પ્રહલાદ પારેખ

પગલાં – ચિનુ મોદી

રહે એ જ ‘ઇર્શાદ’ને વસવસો
કહી ના શક્યો કોઇને કે ખસો.

પૂછું પ્રશ્ન હું શ્વેત પગલાં વિશે
અને દરવખત આપ ફિક્કું હસો.

સમય નામની બાતમી સાંપડી
પછી લોહી શું કામ નાહક ધસો:

પડે ડાળથી પાંદડું, એ પછી
ઇલાજો કરું એકથી એક સો.

ઇલાજો કરું એકથી એક સો
રહે એ જ ‘ઇર્શાદ’ને વસવસો.

ચિનુ મોદી ( ઇર્શાદ)

કવિ પરિચય

     આધુનિકતાને વરેલા છતાં ગઝલના મૂળ સ્વરૂપની ઇજ્જત જાળવતા આ કવિની, પોતાની આગવી, આ ‘તસબી’ પ્રકારની રચના  છે.

7 Comments »

  1. ચિનુ મોદી, Chinu Modi « ગુજરાતી સારસ્વત પરિચય said,

    April 25, 2007 @ 3:34 am

    […] #  એક તસબી  :     એક ક્ષણિકા […]

  2. વિવેક said,

    April 25, 2007 @ 8:56 am

    રહે એ જ ‘ઇર્શાદ’ને વસવસો
    કહી ના શક્યો કોઇને કે ખસો.

    – સાચી વાત… કહેવાનું ઘણું હોય ને…

  3. પંચમ શુક્લ said,

    April 25, 2007 @ 4:44 pm

    As I understand, મૂળ સ્વરૂપ એટલે classical and established framework in which poems (or things in general) look more esthetic and pleasant.

    આ જ રીતે મૂળ સ્વરૂપની અપેક્ષા ભાષા અને જોડણીને પણ હોય એ મંતવ્ય શું ઉપકારક નથી?

    જો કે વિચારવા જેવી બાબત એ છે કેઃ

    ક્ષણે ક્ષણ બદલાતાં વિશ્વમાં મૂળ સ્વરૂપ એટલે શું?
    અને મૂળ સ્વરૂપની ઇજ્જત એટલે શુ?

    Finally, enjoy the sher- we all need to seek constantly.

    કીડી સમી ક્ષણોની આ આવજાવ શું છે?
    મારું સ્વરૂપ શું છે, મારો સ્વભાવ શું છે?

    – રાજેન્દ્ર શુક્લ

  4. સુરેશ જાની said,

    April 26, 2007 @ 7:41 am

    મારા માનવા પ્રમાણે રૂપ અને બંધારણ તો વાઘા છે. માંહ્યલો તો ભાવ છે.
    વાઘા તો બદલાતા જ રહેવાના. ધોતીયું હોય કે લંગોટી; ઘુમટો હોય કે બીકીની. જે સત્ય છે અને જે સત્વ છે તે જ મંગળકારી રહેવાનું.
    માટે જ નરસીંહ મહેતા કે નાનાલાલ કે રાજેન્દ્ર શુકલને જ હું તો મહાકવી ગણું.

  5. હેમંત પુણેકર said,

    May 23, 2007 @ 10:27 am

    સુંદર રચના છે….

    પૂછું પ્રશ્ન હું શ્વેત પગલાં વિશે
    અને દરવખત આપ ફિક્કું હસો.

    આ શેર મને સમજાયો નહીં , કોઈ મદદ કરશો?

    તસબી પ્રકારની રચના ની લિન્ક વાંચી શકાતી નથી. વધુ માહિતી ક્યાંથી મળશે?

  6. UrmiSaagar said,

    May 23, 2007 @ 1:22 pm

    સુંદર તસ્બી…

    એક તસ્બી… પંચમ શુક્લની… અહીં વાંચો…
    http://urmi.wordpress.com/2007/02/26/nirvantandra_pancham_shukla/

  7. valvi suhash said,

    June 3, 2017 @ 4:38 pm

    मे कब का सो गया होता ,
    पर तेरे दर्द ने कभी चैन से सोने न दिया ,

RSS feed for comments on this post · TrackBack URI

Leave a Comment