હવે પહેલો વરસાદ અને બીજો વરસાદ અને છેલ્લો વરસાદ
એવું કાંઈ નહીં !
હવે માટીની ગંધ અને ભીનો સંબંધ અને મઘમઘતો સાદ,
એવું કાંઈ નહીં !
ભગવતીકુમાર શર્મા

સોળે શણગાર સજી – તુષાર શુક્લ

સોળે શણગાર સજી નિસર્યા માં અંબિકા,
આવ્યા રે ચાંચરના ચોકમાં
માડી, ઉતર્યો અજવાસ ચૌદલોકમાં

માટીનું કોડિયું આ દિપક થઇ જાય
જ્યારે જગમગતી જ્યોતે સોહાય
દીવે થી દીવે જ્યાં પ્રગટી ઉઠે ને
ત્યાં તો અંધારા આઘા ઠેલાય

માડી આવો ને હૈયાના ગોખમાં
સોળે શરણાર સજી…

તાળી ને ચપટી લઇ, માથે માંડવણી લઇ
ગરબે ઘૂમે છે આજ ગોરીઓ
ગેબ તણો ગરબો આ ઘૂમ ઘૂમ ઘૂમતો
એ અંબા જગદંબા એ કોરીઓ

પેર્યો નવલખ તારાનો હાર ડોકમાં
સોળે શણગાર સજી…

– તુષાર શુક્લ

ગઈકાલથી શરૂ થયેલી નવરાત્રિની આપ સૌને શુભેચ્છાઓ, આજે આ ગરબાના રૂપમાં.

2 Comments »

  1. Rina said,

    September 30, 2011 @ 1:30 am

    Happy Navratri to awesome foursome of layastaro…

  2. ધવલ said,

    September 30, 2011 @ 7:51 pm

    માટીનું કોડિયું આ દિપક થઇ જાય
    જ્યારે જગમગતી જ્યોતે સોહાય
    દીવે થી દીવે જ્યાં પ્રગટી ઉઠે ને
    ત્યાં તો અંધારા આઘા ઠેલાય

    – સરસ !

RSS feed for comments on this post · TrackBack URI

Leave a Comment