ખબર તારી લાવ્યો નથી સૂર્ય આજે,
નગર આજે એનો દિવસ ક્યાંથી પામે ?
વિવેક ટેલર

વરસાદ કહે – – રમેશ પારેખ

વરસાદ મૂવો છાંટાથી કહે મને – છટ્
ઘડીઘડી પડીપડી ટીપેટીપે મારા પર પાડે છે પોતાનો વટ્ટ…

કાંટો વાગે તો લોહી નીકળે છે એમ મૂવો છાંટો વાગે તો શું થાય ?
લોહીને બદલે નિસાસાઓ નીકળે ને એનું ખાબોચિયું ભરાય,
છાંટા નહીં, મારા પર પડયું હોત છાપરું તો પાટા હું બંધાવત ઝટ્ટ…

એકલાં પલળવાના કાયદા નથી – એ વરસાદને જો માહિતી હોત,
તો તો એ છાંટા સંકેલીને ટગરટગર મારું આ ટળવળવું જોત,
કહું છું વરસાદને – જા, એને પલાળ જેના નામની રટું છું હું રટ…

– રમેશ પારેખ

ચોમાસુ મનભર જામ્યું છે એવામાં ર.પા.નું એક અદભુત વરસાદી ગીત.. આ ગીત મોટેથી વાંચો ત્યારે લોહીમાં ટપ્પ-ટપ્પ વરસાદ પડતો ન અનુભવાય તો કહેજો…

ટાઇપ સૌજન્ય: ટહુકો.કોમ

 

4 Comments »

  1. Bhadresh Joshi said,

    September 4, 2011 @ 6:48 am

    વિચાર વિસ્તાર્, please.

    પાનું કોરું જોઈને કોઈ કબીર,
    અક્ષરો વણતો રહ્યો ચાદર ગણી.

    અંકિત ત્રિવેદી

  2. Dhruti Modi said,

    September 4, 2011 @ 6:34 pm

    સરસ લટકા -મટકા ને ઝટકાવાળું ગીત.

  3. Ramesh Patel said,

    September 4, 2011 @ 8:55 pm

    કહું છું વરસાદને – જા, એને પલાળ જેના નામની રટું છું હું રટ…

    – રમેશ પારેખ

    વાહ્! મજાનું વરસાદી ગીત.

    રમેશ પટેલ(આકાશદીપ)

  4. kishoremodi said,

    September 6, 2011 @ 11:15 pm

    સુંદર છટપટાવતું ગીત

RSS feed for comments on this post · TrackBack URI

Leave a Comment