ગઝલ – જિગર જોષી ‘પ્રેમ’
એવું ગજું નથી કે છુપાવું આ ઘાવને,
તસવીર જેમ ટાંગશું તારા અભાવને.
આઘેથી એક મત્સ્યપરી જોઈ ને પછી,
દરિયાને કીધું, ‘એય ! પરિચય કરાવને !’
હોઠોનાં સૌ કમાડ કરીને જરાક બંધ,
કેવું સરસ એ મૌનમાં બોલી’તી, ‘જાવ ને !’
ઇચ્છા તો છેલ્લી એ જ કે દર્દોનું ઘર મળે,
દુઃખતી રગોને સહેજ તું પાછી દબાવને.
તારા સ્મરણથી કાલ છલોછલ ભર્યું’તું જે,
જોયા કરું છું આજ એ ખાલી તળાવને.
પીળાશ પાનખર સમું ક્યાયે કશું નથી
કમળો થયો છે ‘પ્રેમ’ તમારા સ્વભાવને..
– જિગર જોષી ‘પ્રેમ’
જિગરની આ ગઝલ કલમમાંથી નહીં, સીધી જિગરમાંથી ઉતરી આવી છે એટલે બધાય શેર સાવ અનાયાસ અને સંતર્પક લાગે છે… કાફિયાઓનો જે ખૂબીપૂર્વક પ્રયોગ આ ગઝલમાં થઈ શક્યો છે એ સાચે જ કાબિલે-દાદ છે…
Rina said,
August 10, 2011 @ 2:44 AM
beautiful…amazing…
maulik said,
August 10, 2011 @ 7:16 AM
great beautiful
ધવલ said,
August 10, 2011 @ 8:29 AM
એવું ગજું નથી કે છુપાવું આ ઘાવને,
તસવીર જેમ ટાંગશું તારા અભાવને.
– સરસ !
Sandhya Bhatt said,
August 10, 2011 @ 9:48 AM
વાહ્,ખૂબ સરસ ગઝલ..
દીપક પરમાર said,
August 10, 2011 @ 10:05 AM
ઇચ્છા તો છેલ્લી એ જ કે દર્દોનું ઘર મળે,
દુઃખતી રગોને સહેજ તું પાછી દબાવને.
સીધી આર-પાર ઉતરી ગઈ….
શાહ પ્રવીણચંદ્ર કસ્તુરચંદ said,
August 10, 2011 @ 10:48 AM
બહુ જ સરસ!
સઘળું સરસ!
Kalpana said,
August 10, 2011 @ 12:34 PM
આપણને તો કમળા વાળી વાત ગમી ભઈ.
અભિનન્દન, આભાર, સુન્દર કાવ્ય.
Dhruti Modi said,
August 10, 2011 @ 4:15 PM
સરસ ગઝલ. દરેક શે’ર ગમ્યા.
Rakesh shah said,
August 11, 2011 @ 4:42 AM
4th sher is superb!
jigar joshi 'prem' said,
August 11, 2011 @ 11:14 AM
આભાર આપ સહુનો અને વિવેકભાઈ આપે કોપી પેસ્ટ કર્યુ એ બદલ ખાસ આભાર….
sudhir patel said,
August 12, 2011 @ 10:18 PM
સુંદર ગઝલ!
સુધીર પટેલ.
Gaurang Thaker said,
August 30, 2011 @ 10:25 AM
એવું ગજું નથી કે છુપાવું આ ઘાવને,
તસવીર જેમ ટાંગશું તારા અભાવને.
વાહ સરસ ગઝલ..