પૂર માટે માત્ર સ્થાનિક વાદળો પૂરતાં નથી,
કંઈક ઉપરવાસમાં વરસાદ જેવું જોઈએ.
મુકુલ ચોક્સી

દિલ ઉદાસ છે – મનોજ મુની

આજે ફરીથી સાંજ પડે, દિલ ઉદાસ છે.
છે સાથ તારો આજે, છતાં મન ઉદાસ છે. 
                                     – આજે ફરીથી…

ઢળતા સૂરજની લાલી ભરી ચકચૂર છે ગગન,
આછો ઉભરતો ચાંદ ક્ષિતિજે ઉદાસ છે. 
                                     – આજે ફરીથી…

હાથોમાં લઇને હાથ, બસ જોતો રહ્યો તને,
આશ્લેષમાં શ્વાસો તણા સ્પંદન ઉદાસ છે. 
                                     – આજે ફરીથી…

આ શું જુદા પડી અને મળશું ફરી કદી ?
મિલનમાં હસતી આંખમાં કીકી ઉદાસ છે. 
                                     – આજે ફરીથી…

પૂજ્યા’તા દેવ કેટલા તેં પામવા મને ?
દઇ ના શક્યો વરદાન, પ્રભુ પણ ઉદાસ છે. 
                                     – આજે ફરીથી…

મનોજ મુની

મને બહુ જ પ્રિય આ ગઝલ/ ગીત …

જીવનભર સાથે રહેવાના કોલ આપ્યા હોય, પણ છેલ્લી મુલાકાતમાં કદી ફરી મળવાની આશા ન હોય તેવી કરૂણ ક્ષણનો આ ચિતાર, જ્યારે સોલી કાપડીયાના ધીર ગંભીર સ્વરમાં અને સંતૂરના અત્યંત કર્ણપ્રિય, છતાં શોક ભર્યા સંગીતમા સાંભળીયે ત્યારે જુદાઇની છાયા આપણા ચિત્તને પણ ઉદાસીમાં ગરકાવ કરી દે છે.

ઢળતો સૂરજ ( નિષ્ફળ પ્રેમ), ચકચૂર ગગન (સમાજ), આછો ચાંદ (પ્રેમનો ઉદાસ દેવ) હસતી આંખમાં ઉદાસ કીકી(તમાચો મારીને ગાલ લાલ રખવા જેવી મનોવ્યથા) આ બધાં રૂપક એક કરૂણ સંવાદિતા ખડી કરી દે છે.

6 Comments »

  1. જ્યશ્રી said,

    January 4, 2007 @ 1:55 am

    ખૂબ જ સરસ ગઝલ..!!

    પૂજ્યા’તા દેવ કેટલા તેં પામવા મને ?
    દઇ ના શક્યો વરદાન, પ્રભુ પણ ઉદાસ છે.

    દાદા… આલ્બમનું નામ શું ?

  2. વરાહમિહીર said,

    January 4, 2007 @ 2:38 am

    બહુજ ગમી આ ગઝલ.

    સોલી કાપડિયાએ ગાયેલૂ આ ગીત જો કોઇની પાસે હોય તો મને શું મોકલશો?

    દસ MB સુધીની ફાય્લ yahooઅથ્વા gmail મોકલે છે.
    મારું email : hirparav@gmail.com

    આભાર.

  3. Himanshu said,

    January 4, 2007 @ 11:36 am

    Sureshbhai/Friends

    Just a technical note. This is a fine poem but is not a ghazal.

    Ghazals need to have proper framework of “radif”, “kafiya”, and “matla”. In addition, ghazals have to follow proper meter (channd). This poem seems like a ghazal as “Udas chhe” acts as “radif”. However, there is no kafiya here.

    Again – this is a fine poem – but not a ghazal.

    Himanshu

  4. Mansi Shah said,

    January 5, 2007 @ 8:15 am

    can i have the audio file for this song. if yes, pls. send
    on
    maulikdshah@gmail.com

  5. Suresh Jani said,

    January 5, 2007 @ 12:14 pm

    આ ગીત ઘણાને ગમ્યું છે, પણ મારી પાસે તેની કેસેટ જ છે. વિગત-

    આલ્બમ – મારા હૃદયની વાત
    ગીતકાર – મનોજ મુની
    સંગીતકાર / ગાયક – સોલી કાપડીયા
    આ ગીત સાંભળવું તે પણ એક માણવા જેવો અનુભવ છે.

  6. UrmiSaagaar said,

    January 8, 2007 @ 9:08 pm

    અરે દાદા, તમે તો ખુબ જ સરસ કવિતા શોધી લાવ્યા…
    વાંચીને તો ખરેખર ઉદાસ થઇ જવાય એવું સુંદર આલેખન…

    જયશ્રી, હવે તો તારે આ ગીત શોધીને તારા ટહુકા પર મુકવુ જ પડશે હોં!

RSS feed for comments on this post · TrackBack URI

Leave a Comment