મહાસમુદ્રના પેટાળ મોટી વાત નથી,
છે આ તો આંસુનું ઊંડાણ, ઝંપલાવ નહીં.
વિવેક મનહર ટેલર

શબ્દોત્સવ – ૭: મુક્તક – મરીઝ

પાણીમાં   હરીફોની   હરીફાઈ   ગઈ,
શક્તિ ન હતી, અલ્પતા દેખાઈ ગઈ;
દરિયાનું માપ કાઢવા, નાદાન નદી,
ગજ એનો લઈ નીકળી, ખોવાઈ ગઈ.

*

જીવે તો અહીં સૌ છે ન કર એના વિચાર,
જોવું  છે  એ કે  છે  જનમ  કે  અવતાર;
મયખાનામાં  યે  સાચા  શરાબી  છે જૂજ,
મસ્જિદમાં  યે  છે  સાચાં નમાઝી બે-ચાર.

*

શ્રદ્ધાથી   બધો    ધર્મ વખોડું  છું હું,
હાથે  કરી  તકદીરને   તોડું  છું  હું;
માંગું છું દુઆ એ તો ફક્ત છે દેખાવ,
તુજથી ઓ ખુદા હાથ આ જોડું છું હું.

-મરીઝ

4 Comments »

  1. ઊર્મિસાગર said,

    December 12, 2006 @ 11:22 am

    આજના બધા જ મુક્તકો ખુબ જ સરસ છે.

    દરિયાનું માપ કાઢવા, નાદાન નદી,
    ગજ એનો લઈ નીકળી, ખોવાઈ ગઈ.

    આ વાત તો ખુબ જ ગમી…

    શ્રદ્ધાથી બધો ધર્મ વખોડું છું હું,
    હાથે કરી તકદીરને તોડું છું હું;
    માંગું છું દુઆ એ તો ફક્ત છે દેખાવ,
    તુજથી ઓ ખુદા હાથ આ જોડું છું હું.

    …કેવું પડે, મરીઝસા’બની ખુમારીનું!

    જયશ્રી કહે તેમ… લયસ્તરોની વર્ષગાંઠ વર્ષમાં માત્ર એક જ વાર કેમ આવે?
    વધારે વાર આવવી જોઇએ… 🙂

  2. જ્યશ્રી said,

    December 13, 2006 @ 3:59 am

    મુક્તકોની ત્રણે પોસ્ટમાં એક જ અભિપ્રાય લખવો છે….

    વાહ ઉસ્તાદ… મજા આવી ગઇ… !!

  3. Pratik said,

    August 30, 2008 @ 3:15 am

    અદભુત

  4. sanket said,

    August 18, 2009 @ 11:34 am

    mariz saab is the greatest….poet of all time. he elaborates the sorrow with ahidden joy

RSS feed for comments on this post · TrackBack URI

Leave a Comment