અત્તર કહો છો જેને એ ફૂલોનું લોહી છે,
એ કારણે હું લેતો નથી છાંટવાનું નામ.
અમર પાલનપુરી

ગુલાલ કરી ગઈ – હરીન્દ્ર દવે

કઈ અણજાણી લ્હેર મને વ્હાલ કરી ગઈ,
હતું અંધારું આભ, ત્યાં ગુલાલ કરી ગઈ!  

જરા ઝૂકીને જોઈ રહે જોઈ કાંચનાર,
અને ટહુકીને પૂછે કોઈ પંખી લગાર,

જાણે લજ્જાની વેલ લાલલાલ કરી ગઈ,
કઈ અણજાણી લ્હેર મને વ્હાલ કરી ગઈ!  

જરા લંબાઈ મારગડે જોઈ લીધું કૈંક,
પેલાં કિરણોએ ઝાકળપિયાલે પીધું કૈંક,

ભાન ભૂલેલી સાનનો કમાલ કરી ગઈ,
કઈ અણજાણી લ્હેર મને વ્હાલ કરી ગઈ!  

– હરીન્દ્ર દવે

(કાંચનાર=નાગકેસરનું વૃક્ષ)

3 Comments »

  1. Pushpakant Talati said,

    December 14, 2009 @ 7:35 am

    સરસ – સાથે ઘણુ જ આશ્ચર્ય ! !! !!!
    આજ સુધી કેમ કોઇએ આ ગીત માટે કોમેન્ટ ન લખી ?
    આ તો જેને વિતિ હોય તે જ જાણે કે કેવુઁ ફીલીન્ગ થાય .
    રેમી ના દિલની પરિસ્થિતીનુ આબેહુબ ચિત્રણ કરતુ આ ગીત ખરેખર કાબીલેઅભિનન્દન છે
    જો કે આ ઊચા ગજાના કવિ કોઇની દાદના મોતાજ તો નથી જ હોતા. પરન્તુ છતા મારી ફરજ તથા ફીલિન્ગ હુ અહિ દર્શાવવાનુ ખાળી ન શક્યો.
    ફરીથી કહુ છુ કે ખરેખર ગીત હ્રદય પુર્વકનૂ રચાયેલુ છે. હુ મારી જાતને લક્કી માનુ છુ કે મને આ ગીતનો આશ્વાદ માણવા મળ્યો.

  2. dinesh rewar said,

    April 7, 2013 @ 5:13 am

    Pushpakantbhai,
    Aa geet tame aakaashwaani mumbai par Asit Desai na avaaj ma achuk saambhalso toj tamane khyaal aavshe.tena bhaav~spandano ne maanavaa nu.

  3. dinesh rewar said,

    April 7, 2013 @ 5:13 am

    Pushpakantbhai,
    Aa geet tame aakaashwaani mumbai par Asit Desai na avaaj ma achuk saambhalso toj tamane khyaal aavshe.tena bhaav~spandano ne maanavaa nu.

RSS feed for comments on this post · TrackBack URI

Leave a Comment