(કેટલી સાંજો તૂટે) – રઈશ મનીઆર
સંગેમરમરનો નહીં આજ મલાજો તૂટે
આ કલમ મૌન થશે શિલ્પ જરા જો તૂટે
રસ્મ તૂટે કે ભલે રીત રિવાજો તૂટે
તૂટે માણસ ન કદી, ચાહે સમાજો તૂટે
ચાલ એવી કોઈ સરહદમાં પ્રવેશી જઈએ
જ્યાં પ્રકાશો ન તૂટે, જ્યાં ન અવાજો તૂટે
હા, હવે બેઉને બસ એ જ ઘડીની તૃષ્ણા
તારી દિલેરી તૂટે, મારો તકાજો તૂટે.
શબ્દ બસ લાકડાની જેમ તણાઈ આવ્યા
લોહીમાં દર્દભર્યાં રોજ જહાજો તૂટે
એક માણસથી ‘રઈશ’ કેટલા શેરો નીપજે ?
એક જીવતરમાં ‘રઈશ’ કેટલી સાંજો તૂટે ?
– રઈશ મનીઆર
આજે ઓગણીસમી ઓગસ્ટે કવિ રઈશ મનીઆરને ‘લયસ્તરો’ તરફથી જન્મદિવસની હાર્દિક શુભકામનાઓ…
કવિ તૂટવાની વાત લઈને આવ્યા છે પણ એ બહાને અનુસંધાન તો જોડાવા માટેનું કે અક્ષતનું જ સાધે છે. ગમે તે તૂટે, માણસ તૂટવો ન જોઈએ. પીડા અને કવિતાનો સંબંધ ચોલી-દામનનો છે એ વાત ભલે કવિતા જન્મી એ ઘડીથી કવિઓ ગાતા આવ્યા છે પણ આ ગઝલના છેલ્લા બે શેરમાં એ જ ચર્વિતચર્વણ વાત કેવી તાજગીભરી લાગે છે ! લોહીમાં દુઃખના જહાજો તૂટે તો જ શબ્દના લાકડા તણાઈ આવી શકે છે. અને ગઝલનો મક્તા તો વેદના અને કવિતાના પરાપૂર્વના સંબંધના શિલાલેખ જેવો છે… માણસ કેટલીવાર તૂટે ? કેટલી સાંજો વેદનાસિક્ત ગાળી શકે ? કેટલા શેર લખી શકે ? કેટલા ?
Pinki said,
August 19, 2009 @ 7:00 AM
જન્મદિને હાર્દિક શુભકામનાઓ… !!
એક માણસથી ‘રઈશ’ કેટલા શેરો નીપજે ?
એક જીવતરમાં ‘રઈશ’ કેટલી સાંજો તૂટે ? – વાહ !!
rakesh said,
August 19, 2009 @ 7:29 AM
wish u HAPPY BIRTH DAY !!
રસ્મ તૂટે કે ભલે રીત રિવાજો તૂટે
તૂટે માણસ ન કદી, ચાહે સમાજો તૂટે
GOOD……………
ધવલ said,
August 19, 2009 @ 7:35 AM
વર્ષગાંઠના અભિનંદન !
છેલ્લો શેર તો અસંખ્ય વાર ટાંકવામાં આવ્યો જ છે.
સુનીલ શાહ said,
August 19, 2009 @ 8:19 AM
રઈશભાઈને જન્મદિનની હાર્દિક શુભેચ્છાઓ.
કુણાલ said,
August 19, 2009 @ 8:40 AM
કવિશ્રીને જન્મદિવસની ખુબ ખુબ શુભેચ્છાઓ…
હા, હવે બેઉને બસ એ જ ઘડીની તૃષ્ણા
તારી દિલેરી તૂટે, મારો તકાજો તૂટે.
શબ્દ બસ લાકડાની જેમ તણાઈ આવ્યા
લોહીમાં દર્દભર્યાં રોજ જહાજો તૂટે
એક માણસથી ‘રઈશ’ કેટલા શેરો નીપજે ?
એક જીવતરમાં ‘રઈશ’ કેટલી સાંજો તૂટે ?
આ ત્રણ અશઆર ખાસ ગમ્યાં …
urvashi parekh said,
August 19, 2009 @ 8:59 AM
જન્મદીવસ ના અભીનન્દન..
શબ્દ બસ લાકડાની જેમ તણાઈ આવ્યા,
લોહીમાં દર્દ ભર્યા રોજ જહાજો તુટે..
સારુ અનુસન્ધાન છે..
Dilipkumar Bhatt said,
August 19, 2009 @ 9:48 AM
રઈશ હોવુ એ એક લહાવો છે. મારી જન્મ દિવસનિ શુભ કામનાઓ.દુનિયા ભલે ખજાનાઓ લુન્ટે ભલે શબ્દકોશમાથી શબ્દો ખુટે પણ તમારા ખજ્નમથી ગઝલો ના ખુટે.
sapana said,
August 19, 2009 @ 10:01 AM
રઈશભાઈને જન્મદિવસની શુભકામના!
હા, હવે બેઉને બસ એ જ ઘડીની તૃષ્ણા
તારી દિલેરી તૂટે, મારો તકાજો તૂટે.
ભાવવાહી ગઝલ.બધ શે’ર સારા છે.
સપના
Ramesh Patel said,
August 19, 2009 @ 10:49 AM
જન્મ દિવેસે અંતરથી શુભેચ્છા.
રઈશભાઈ તો ભાઈ રઈશ છે.
સંધ્યા હોય કે પ્રભાત
વહાવે સદા ભીંની ગઝલ
એ સૌની ખ્વાહીશ છે.
ગાતા રહો દિલથી.
રમેશ પટેલ(આકાશદીપ)
pragnaju said,
August 19, 2009 @ 10:57 AM
જન્મદિનની હાર્દિક શુભેચ્છાઓ.
હા, હવે બેઉને બસ એ જ ઘડીની તૃષ્ણા
તારી દિલેરી તૂટે, મારો તકાજો તૂટે.
શબ્દ બસ લાકડાની જેમ તણાઈ આવ્યા
લોહીમાં દર્દભર્યાં રોજ જહાજો તૂટે
વાહ્
jjugalkishor said,
August 19, 2009 @ 11:49 AM
સ્તર પર સ્તર પર સ્તર;
શબ્દ ગઝલનો એથીયે પર !
કોઈ કવિની શબ્દ ઉપર,
તો કોઈ શબ્દની કવિ પર
કેવી અસર –
લયનાં સ્તર.
જન્મદિન નિમિત્તે શુભેચ્છાઓ.
શાહ પ્રવીણચંદ્ર કસ્તુરચંદ said,
August 19, 2009 @ 12:09 PM
ભલેને બીજું બધું ય સાવ છૂટે,શાહી ખૂટે,કાગળ ખૂટે;
પ્રભુ,રઈશની આવું લખવાની ટેવ ભૂલથીયે ન છૂટે.
ઊર્મિ said,
August 19, 2009 @ 12:11 PM
રઈશભાઈને વર્ષગાંઠની શુભેચ્છાઓ… એમની એક ખૂબ જ જાણીતી ગઝલનું પઠન એમનાં અવાજમાં ‘ગાગરમાં સાગર’ પર સાંભળો… http://urmisaagar.com/saagar/?p=3137
Pancham Shukla said,
August 19, 2009 @ 1:41 PM
રઈશભાઈને જ્ન્મદિન મુબારક. સુંદર ગઝલ.
manhar mody ('મન' પાલનપુરી) said,
August 19, 2009 @ 1:43 PM
રઈશ સાહેબને જન્મ દિવસની ખુબ ખુબ વધાઈઓ.
જોરદાર વિચારો રજુ કરતી એક ઊમદા ગઝલ.
કવિતા મૌર્ય said,
August 19, 2009 @ 1:50 PM
જન્મદિન મુબારક રઈશભાઈ.
કવિતા મૌર્ય
P Shah said,
August 20, 2009 @ 12:24 AM
જન્મદિનની હાર્દિક શુભેચ્છાઓ
Angel dholakia said,
August 20, 2009 @ 12:25 AM
wish you a very happy birthday!!
ગુજરાતિ સાહિત્ય નિ આમજ સેવા કરતા રહો……..!
DR.MANOJ L. JOSHI ( JAMNAGAR ) said,
August 20, 2009 @ 5:11 AM
વિવેક ટેલર,રઈશ મણિયાર………સુરતને કંઠે ચમકતા બે હાર…..શતં જીવ શરદં….
MAYANK TRIVEDI said,
August 20, 2009 @ 11:58 AM
ખુબ ખુબ શુભેચ્છાઓ
સુરતને મળેલી ગુજરાતિ સાહિત્યની અનુપમ ભેટ