મુસીબત પડી એ તો સારું થયું,
સ્વજનને તો સરવાનો મોકો મળ્યો.
ચિનુ મોદી ‘ઈર્શાદ’

ગઝલ – સુરેન્દ્ર કડિયા

પ્રથમ એક બારી ઉઘાડીને રાખી,
પછી આંખ વચ્ચે લગાડીને રાખી.

ભીતરથી હતી સાવ ભીની એ ઘટના,
વળી ફૂલ વચ્ચે ડૂબાડીને રાખી.

અમે સાચવ્યો શબ્દ-વનનો મલાજો,
અમે ખૂબ કોમળ કુહાડીને રાખી.

તમે છાતીએ લહેરખીઓ લપેટી,
અને આખી મોસમ દઝાડીને રાખી.

ગઝલ એક કસ્તૂરી-મૃગ છે ખરેખર,
નથી કોઈ અફવા ઉડાડીને રાખી !

– સુરેન્દ્ર કડિયા

નાજૂક કલ્પનોથી સજાવેલી ગઝલ. અમે સાચવ્યો … અને તમે છાતીએ… શેર ખાસ સરસ થયા છે.

9 Comments »

  1. pragnaju said,

    May 13, 2009 @ 9:52 pm

    સુંદર ગઝલ
    આ શેરો કાબિલે દાદ
    પ્રથમ એક બારી ઉઘાડીને રાખી,
    પછી આંખ વચ્ચે લગાડીને રાખી.

    ભીતરથી હતી સાવ ભીની એ ઘટના,
    વળી ફૂલ વચ્ચે ડૂબાડીને રાખી.

    જ્યારે તર્ક અને પ્રેમની આંખો ખુલે ત્યારે આ બારી ઉઘડે
    પછી ભીતરની ઘટના મહેસુસ કરવાની ભીની ભીની…

  2. Taha Mansuri said,

    May 13, 2009 @ 10:18 pm

    નખશિખ સુંદ ગઝલ.

    અમે સાચવ્યો શબ્દ-વનનો મલાજો,
    અમે ખૂબ કોમળ કુહાડીને રાખી.

    ખુબ સરસ.

  3. P Shah said,

    May 13, 2009 @ 11:03 pm

    ભીતરથી હતી સાવ ભીની એ ઘટના,
    વળી ફૂલ વચ્ચે ડૂબાડીને રાખી…..

    સુંદર રચના !

  4. pradip sheth said,

    May 13, 2009 @ 11:27 pm

    ખુબજ સુંદર ગઝલ…

    સુરેન્દ્રભાઈને..ખૂબ..ખૂબ અભિનન્દન્…

    ભાવનગર બુધસભાના કવિમિત્રો તરફથી ખૂબ..ખૂબ યાદ.

  5. વિવેક said,

    May 14, 2009 @ 12:44 am

    ખૂબસુરત ગઝલ… તરોતાજા કલ્પન અને અર્થસભર વાતો…

  6. RJ MEET said,

    May 14, 2009 @ 1:36 am

    સુરેશભાઈએ અહિ શબ્દોનું યોગ્ય બાંધકામ કર્યુ છે..આને કહેવાય નામ તેવુ કામ…!
    અભિનંદન સુરેશભાઈ અને વિવેકભાઈ બન્નેને…!

  7. sunil shah said,

    May 14, 2009 @ 5:20 am

    પ્રત્યેક શેરનું ઊંડાણ સ્પર્શી ગયું. આ કવિશ્રીની બીજી રચનાઓ પણ મૂકવા વિનંતી.

  8. sudhir patel said,

    May 14, 2009 @ 9:11 am

    ભાવનગરના કવિ-મિત્ર સુરેન્દ્ર કડિયાની ખૂબસુરત ગઝલ માણવાની મજા આવી!
    આભાર, ધવલભાઈ.
    સુધીર પટેલ.

  9. Pancham Shukla said,

    May 16, 2009 @ 4:36 am

    નાજુક, નમ્ણી અને તરોતાજા.

RSS feed for comments on this post · TrackBack URI

Leave a Comment