જગતના દુઃખથી ત્રાસ્યા હો તો રાખો દુઃખ મહોબ્બતનું,
એ એવું દર્દ છે જે સર્વ દર્દોને મટાડે છે.
બરકત વિરાણી ‘બેફામ’

ગીત-સરોવર – અનિલ જોશી

સાજન !
મારી બંધ આંખ તો
ગીત-સરોવર
ગીત-સરોવર
એના
લય-નીતરતા કાંઠે બેસી
દેશવટો ભોગવતી
સુંદર રાજકુમારી સમી જિન્દગી
ઝરમર
ઝરમર ન્હાય !
નિર્મલ
મારી બંધ આંખ તો
ગીત-સરોવર
ગીત-સરોવર.

– અનિલ જોશી

છલકાતી આંખ એ ગીત-સરોવર જેમાં (સુંદર પણ દેશવટો ભોગવતી!) જિન્દગી ઝરમર ઝરમર ન્હાય. કરૂરણતા નો કોમળતા સાથે નાજુક પ્રાસ બેસાડતું, ટચુકડુ, ગીત થવા મથતું પણ ‘કવિતા’ થઈને સંતોષ માણતું સ્નિગ્ધ કલ્પન.

5 Comments »

  1. વિવેક said,

    October 15, 2008 @ 3:23 am

    પહેલી નજરે અછાંદસ ભાસતું આ ગીત થવા મથતું પણ ‘કવિતા’ થઈને સંતોષ માનતું સ્નિગ્ધ કલ્પન હકીકતમાં અછાંદસ કવિતા નથી. ગાગાગાગા-એમ શુદ્ધ અષ્ટકલના આવર્તનો વડે ગીતની ચાલ લઈ ચાલતી આ કવિતા હકીકતે લયબદ્ધ કવિતા છે. ઉર્દૂ કે હિંદીમાં લખાયું હોય તો આ કાવ્ય ‘આઝાદ નજમ’ તરીકે ઓળખાવાયું હોત. ગુજરાતીમાં એવો કોઈ સ્પષ્ટ કાવ્ય પ્રકાર નથી. કટાવ છંદમાં લખાયેલા કાવ્યો કે ડોલનશૈલીમાં ન્હાનાલાલે લખેલા કાવ્યોની નજીકની આ કવિતાનું કઈ રીતે વર્ગીકરણ કરી શકાય એ વિશે કોઈ જાણકાર પ્રકાશ પાડી શકે તો આનંદ થશે…

  2. pragnaju said,

    October 15, 2008 @ 8:36 am

    લય-નીતરતા કાંઠે બેસી
    દેશવટો ભોગવતી
    સુંદર રાજકુમારી સમી જિન્દગી
    ઝરમર
    ઝરમર ન્હાય !
    સુંદર ભાવભરી પંક્તીઓ
    ઘાયલની યાદ આપી
    દશા મારી અનોખો લય અનોખો તાલ રાખ છે,
    કે મુજને મુફલીસીમાં પન માલામાલ રાખે છે.

  3. ધવલ said,

    October 16, 2008 @ 12:15 am

    આઝાદ નજમ ને ‘મુક્ત ગીત’ કહી શકાય.. એ નામ વાપરીએ તો કેવુ ?

  4. વિવેક said,

    October 16, 2008 @ 8:17 am

    સારો વિકલ્પ છે…

  5. Sandip said,

    April 13, 2010 @ 9:24 am

    એક પણ તૈયાર કેડી ના ગમી,
    ત્યારથી યાત્રા શરૂ શાયદ થઈ.
    -હેમેન શાહ

RSS feed for comments on this post · TrackBack URI

Leave a Comment