ગઝલ – મુકુલ ચોક્સી
ખુલ્લી હદથી વધારે જાત ન કર,
આંખ ભીની કર, અશ્રુપાત ન કર.
તું ભલે મારો પક્ષપાત ન કર,
પણ ગમે તેની સાથે વાત ન કર.
થોડા બીજાને માટે રહેવા દે,
સઘળા સત્વોથી મુજને જ્ઞાત ન કર.
બૂટ પહેરી નીકળતા પગ માટે,
આંગણે ફૂલની બિછાત ન કર.
જીતનારાઓને જ જીતી જો,
હારનારાઓને મહાત ન કર.
મારો ચહેરો બીજાનો ચહેરો હોય,
એવી રીતે તું દૃષ્ટિપાત ન કર.
કર, સવારો વિશે તું ચિંતા કર,
પણ એ ચિંતાઓ આખી રાત ન કર.
-મુકુલ ચોક્સી
મુકુલભાઈની એક ખુશનુમા ગઝલ જે કશી પણ પૂર્વભૂમિકાની મહોતાજ નથી… બધા જ શેર ગમી જાય એવા છે…
Shah Pravinchandra Kasturchand said,
October 16, 2008 @ 7:09 AM
જગત જકડાઈ ગયું છે જબ્બર ઝંઝાવાતોથી
આવો મુકુલભાઈ આવી ગઝલોની વાતો લઈ.
pragnaju said,
October 16, 2008 @ 9:15 AM
સરસ ગઝલ
ખુલ્લી હદથી વધારે જાત ન કર,
આંખ ભીની કર, અશ્રુપાત ન કર.
વાહ
નહીં ટો હુરટી કહેવત કહેશે
હસતા માટીનો અને રડતી રાંડનો ભરોસો ન કર!
પણ શું કરું?
दर्द-ए दिल लिखूं कब तक जाऊं उन को दिख्ला दूं
उंग्लियां फ़िगार अप्नी ख़ामह ख़ूं-चकां अप्ना
घिस्ते घिस्ते मिट जाता आप ने `अबस बद्ला
नन्ग-ए सिज्दह से मेरे सन्ग-ए आस्तां अप्ना
preetam lakhlani said,
October 16, 2008 @ 9:50 AM
મુકુલ ભૈ, તમારી ગઝલ લાજ્વાબ લાગી….બેચાર શેર બહુજ ગમયા, ગઝલ લખવિ બહુજ શહર ચે પણ એક શેર લખવો કટ્ટિન ચે…….
sudhir patel said,
October 16, 2008 @ 10:04 AM
મસ્ત ગઝલ!
ગઝલ અને પ્રજ્ઞાબેનની ટિપ્પણી બન્નેમાં મજા આવી!!
સુધીર પટેલ.
preetam lakhlani said,
October 16, 2008 @ 10:16 AM
Hi Mukul,
I like your Gazal, It is easy to write a Gazal,but very hard to writ one nice sher. mukul I like your gazals you not only write gazal but I always enjoy your sher,when I read your gazal.At present only a few Gazalkars write nice sher;other wise most of them only like to write Gazal including myself…….How can I forget to thanks Dhaval & Vivek.
ડૉ. મહેશ રાવલ said,
October 16, 2008 @ 1:05 PM
બોલ-ચાલની સરળભાષામાં મુકુલભાઈએ સહજતાથી કહી દીધું જે કહેવાનું હતું એ…….!
યાદ આવી મને,મારી જ પંક્તિ,
લોકો ખુલાસા માંગશે સંબંધના
તેં આચરેલાં છળ વિષે ચર્ચા ન કર!
ઊર્મિ said,
October 16, 2008 @ 1:24 PM
બૂટ પહેરી નીકળતા પગ માટે,
આંગણે ફૂલની બિછાત ન કર.
ક્યા બાત હૈ મુકુલભાઈ… બહુ જ સરસ ગઝલ છે… અને બધા જ શેર બહુ જ ગમ્યાં…!!
Pinki said,
October 17, 2008 @ 3:25 AM
વાહ્. બધાં અશઆર મજેનાં છે.
મને પણ મહેશ અંકલની ગઝલ યાદ આવી ગઈ !!
Mansi Shah said,
October 17, 2008 @ 4:45 AM
તું ભલે મારો પક્ષપાત ન કર,
પણ ગમે તેની સાથે વાત ન કર.
Simple & Sweet.
Mansi Shah
ધવલ said,
October 17, 2008 @ 8:25 AM
ખુલ્લી હદથી વધારે જાત ન કર,
આંખ ભીની કર, અશ્રુપાત ન કર.
– સરસ !
Natver Mehta, Lake Hopatcong, New Jersey said,
October 22, 2008 @ 1:27 PM
મુકુલભાઈ એટલે શબ્દોના મહારથી…
દરેક શેર, શેરથી સવા શેર!
આટલા સરળ શબ્દોમાં કેટલી ઉત્તમ રજુઆત કરી છે.
તું ભલે મારો પક્ષપાત ન કર,
પણ ગમે તેની સાથે વાત ન કર.
કેવી સરસ રજુઆત? શુભાન અલ્લાહ!!
આંખોથી જ કહી દે જે કે’વું હોય તે
હોઠોથી એની કદી રજુઆત ન કર..
આમ તો ઘણા ગમ છે જીઁદગીમાં.
એને ગણવાની તું શરૂઆત ન કર..
જાણુ છું હું તું મને ચાહે અપરંપાર
ભલે,તું આજ એની કબુલાત ન કર.
લો, કરલો બાત!!
મુકુલભાઇએ તો મારામાંના કવિને જગાવી દીધો..
નટવર મહેતા
http://natvermehta.wordpress.com/
vadher vimal said,
August 9, 2012 @ 12:36 PM
Khub j sundar,
parka o maate mann ne udaas naa kar,……
aankho ni papan par bhinaas naa kar…..
vadhervimal said,
August 9, 2012 @ 12:41 PM
Su thvanu bhulaayela one yaad karine!!!….
Emne yaad karvaanu pan Have bas kar…….