સૂમસામ માર્ગ પર હજી તાજી સુગંધ છે,
કોઈ કહો, વસંતની ક્યાં પાલખી ગઈ ?
ભગવતીકુમાર શર્મા

વર્ષાકાવ્ય: ૬ :વરસાદમાં – આદિલ મન્સૂરી

કેટલી   માદકતા  સંતાઈ   હતી   વરસાદમાં !
મસ્ત થઈ સૃષ્ટિ બધી ઝૂમી ઊઠી  વરસાદમાં !

રેઇનકોટ, છત્રીઓ, ગમ શૂઝ, વોટરપ્રૂફ હેટ્સ
માનવીએ  કેટલી   ભીંતો   ચણી  વરસાદમાં !

કેટલો  ફિક્કો  અને  નિસ્તેજ  છે  બીમાર ચાંદ
કેટલી  ઝાંખી  પડી  ગઈ  ચાંદની  વરસાદમાં !

કોઈ  આવે  છે  ન  કોઈ  જાય છે સંધ્યા થતાં
કેટલી  સૂની  પડી  ગઈ  છે  ગલી વરસાદમાં !

એક તું છે કે તને  કંઇ  પણ નથી થાતી અસર,
ભેટવા  દરિયાને  ઊછળે  છે  નદી વરસાદમાં.

લાખ  બચવાના  કર્યા  એણે  પ્રયત્નો  તે છતાં
છેવટે  ‘આદિલ’ હવા  પલળી  ગઇ વરસાદમાં.

– આદિલ મન્સૂરી

માનવીએ કેટલી ભીંતો ચણી વરસાદમાં – આપણને સહુને આપણા ભૌતિક્તાવાદી હોવાનો અહેસાસ કરાવી ભીતર, ઠે…ઠ ભીતર કારી ચોટ પહોંચાડે એવો આ શેર ! શહેરીકરણ, દોડધામની જિંદગી અને મકાનો-ગાડીઓથી છલોછલ વૈભવી જીવનને વેંઢારવાની અને નિભાવવાની જવાબદારીઓથી આપણે સહુ આજે એવા ભીંજાઈ ગયાં છીએ અને ભીંજાયેલા જ રહીએ છીએ કે વરસાદનું ભીંજાવું તો જાણે આપણા જીવનકોશમાંથી જ નીકળી ગયું છે… પણ આપણે સૌ ભૂલી બેઠાં છીએ કે લાખ કોશિશ કેમ ન કરીએ, છેવટે તો હવા જેવી હવા પણ પલળીને જ રહે છે ને !

14 Comments »

  1. Jayesh Bhatt said,

    July 19, 2008 @ 3:10 am

    અએક્દમ સરસ ખરેખર મન ઝુમિ ઉઠ્યુ. પણ આવુ વાતાવરન આજકાલ કયા જોવા મલે ? કયાય નહિ બરાબર ?
    જયેશ્

  2. manhar m.mody said,

    July 19, 2008 @ 4:58 am

    આદીલ સાહેબની ગઝલ ખુબજ સરળ અને સાર્થક. વરસાદની મોસમના વર્ણન સાથે કેવી માર્મિક ચોટ !

    -‘મન’ પાલનપુરી

  3. varsha tanna said,

    July 19, 2008 @ 4:59 am

    સરસ કવિતાના વરસાદમાઁ ભેીઁજાવાનેી મજા આવેી ગઈ.

  4. Shah Pravinchandra Kasturchand said,

    July 19, 2008 @ 7:11 am

    આમતેમ ચારેકોર જુઓ બસ પાણી જ પાણી.
    પૃથ્વિ કેવી થઈ ગઈ પાણી પાણી વરસાદમાં..

  5. pragnaju said,

    July 19, 2008 @ 9:39 am

    આદિલની માદક ગઝલ
    લાખ બચવાના કર્યા એણે પ્રયત્નો તે છતાં
    છેવટે ‘આદિલ’ હવા પલળી ગઇ વરસાદમાં.
    ામારા દિલ દિમાગ પણ પલળી ગયા!

  6. Dilipkumar K. Bhatt said,

    July 19, 2008 @ 4:00 pm

    વરસાદનુ નામ પડે ત્યા ભીનુ થૈ જવાય છે અને અમારા રીવાજ મુજબ ગરમ ગરમ ભજીયા ખાવાની

  7. Mansuri Taha said,

    July 20, 2008 @ 12:37 am

    રેઇનકોટ, છત્રીઓ, ગમ શૂઝ, વોટરપ્રૂફ હેટ્સ
    માનવીએ કેટલી ભીંતો ચણી વરસાદમાં !

    કેટલી સચોટ વાત કહી છે આદીલ સાહેબે.

  8. mahesh dalal said,

    July 21, 2008 @ 3:37 pm

    વાહ વાહ્. હવા ભઇનજૈ ગૈ.. વર્સાદ ના વાતાવરન નઇ ખુબ સુન્દર રચના . હૈઉ ભઇનુ થે ગઉ..

  9. Mansuri Taha said,

    July 21, 2008 @ 11:24 pm

    આદિલ સાહેબ ની જ એક બીજી રચના વરસાદ પર.

    મૂળમાં ભીનાશ છે બાકી “ફરીદ”,
    નામ પાડ્યું ફોઇએ વરસાદમાં.

    જેની ડાળો આકાશને આંબી રહે,
    બીજ ઐસે બોઇએ વરસાદમાં.
    (આદિલ સાહેબનું મૂળ નામ ફરીદ મોહમંદ છે.)

    આ ગઝલ લયસ્તરો પર ઉપલબ્ધ કરાવો તો આપનો ઘણો ઘણો આભાર.

  10. parth said,

    July 23, 2008 @ 8:34 am

    વરસાદનુ નામ પડે ત્યા ભીનુ થૈ જવાય છ સરસ કવિતાના વરસાદમાઁ ભેીઁજાવાનેી મજા આવેી ગઈ.

  11. kalpn said,

    August 3, 2008 @ 1:22 am

    very good dear vivek

  12. nirlep bhatt said,

    November 7, 2008 @ 4:34 pm

    રેઇનકોટ, છત્રીઓ, ગમ શૂઝ, વોટરપ્રૂફ હેટ્સ
    માનવીએ કેટલી ભીંતો ચણી વરસાદમાં !

    excellent

  13. visit said,

    May 20, 2009 @ 8:23 am

    Howdy! Great site. Great content. Great! I can recommend this site to others!

  14. DARSHIT ABHANI said,

    July 23, 2015 @ 5:07 am

    એક તું છે કે તને કંઇ પણ નથી થાતી અસર,
    ભેટવા દરિયાને ઊછળે છે નદી વરસાદમાં.

    લાખ બચવાના કર્યા એણે પ્રયત્નો તે છતાં
    છેવટે ‘આદિલ’ હવા પલળી ગઇ વરસાદમાં…..

    વાહ…વાહ…..લાજવાબ શેર…..

RSS feed for comments on this post · TrackBack URI

Leave a Comment