સેંકડો અડચણ વટાવી પહોંચ્યો છું તારા સુધી,
જાત પણ વચ્ચે નડી તો જાત ઓળંગી ગયો.
વિવેક ટેલર

મોકો મળ્યો – ચિનુ મોદી

સરસ વાત કરવાનો મોકો મળ્યો,
તને પુષ્પ ધરવાનો મોકો મળ્યો.

મને ક્યાં ખબર: હું છું વ્હેતો પવન,
બધાં ઘર ફરવાનો મોકો મળ્યો.

થયું: હાશ સારું કે છે તો ખરો,
ખુદા છે તો ડરવાનો મોકો મળ્યો.

બચતમાં હતાં અશ્રુઓ એટલે
નયન બન્ને ભરવાનો મોકો મળ્યો.

મુસીબત પડી એ તો સારું થયું,
સ્વજનને તો સરવાનો મોકો મળ્યો.

ગઝલને થયું: છે આ ‘ઈર્શાદ’ તો
ઠરીઠામ ઠરવાનો મોકો મળ્યો.

-ચિનુ મોદી

5 Comments »

  1. perpoto said,

    November 17, 2013 @ 9:48 AM

    વાહ કવિજી….મને ક્યાં ખબરઃ હું છું વ્હેતો પવન….

    આ મારું હાયગા શ્રી ચિનુભાઇને અર્પણ

    કેડી લપાઇ
    વને ઠેકઠેકાણે
    વ્હેતો પવન

  2. Chandresh Thakore said,

    November 17, 2013 @ 10:53 AM

    વાહ, ચિનુભાઈ સરસ …

    ગઝલને થયું: છે આ ‘ઈર્શાદ’ તો
    ઠરીઠામ ઠરવાનો મોકો મળ્યો. … આવા શેરની ખુમારી તો તમારા જેવો કવિ જ કરી શકે!!

  3. shriya said,

    November 17, 2013 @ 3:16 PM

    ખુબ ગમીઃ

    બચતમાં હતાં અશ્રુઓ એટલે
    નયન બન્ને ભરવાનો મોકો મળ્યો.

    મુસીબત પડી એ તો સારું થયું,
    સ્વજનને તો સરવાનો મોકો મળ્યો.

  4. rasikbhai said,

    November 18, 2013 @ 10:35 AM

    સુન્દર કવિતા ચાખ્વા નો અનોખો મોકો મલ્યો.

  5. Harshad Mistry said,

    November 23, 2013 @ 9:40 PM

    really liked it,felt it and enjoyed it.

RSS feed for comments on this post · TrackBack URI

Leave a Comment