ઝરણાનું દે નામ અને ના આપે વહેવું ! આ તે કેવું ?
શબ્દો સાથે કામ ને પાછું મૂંગા રહેવું ! આ તે કેવું ?
કૃષ્ણ દવે

ભોળી રે ભરવાડણ – નરસિંહ મહેતા

ભોળી   રે  ભરવાડણ  હરિને  વેચવા  ચાલી;
સોળ સહસ્ત્ર ગોપીનો વાહાલો, મટુકીમાં ઘાલી.       ભોળીo

અનાથના   નાથને   વેચે   આહીરની  નારી;
શેરીએ-શેરીએ  સાદ પાડે : લ્યો કોઈ મોરારિ.       ભોળીo

મટુકી     ઉતારી,    માંહી    મોરલી   વાગી;
વ્રજનારીને    સેજે    જોતાં   મૂરછા   લાગી.       ભોળીo

બ્રહ્માદિક  ઇન્દ્રાદિક  સરખા  કૌતક  એ  પેખે;
ચૌદ   લોકના   નાથને  કાંઈ  મટુકીમાં  દેખે.       ભોળીo

ગોવાલણીના   ભાગ્યે   પ્રગટ્યા  અંતરજામી;
દાસલડાંને  લાડ   લડાવે   નરસૈંનો  સ્વામી.       ભોળીo

– નરસિંહ મહેતા

દહીં વેચવા નીકળેલી ભોળી ભરવાડણ ‘મહી લ્યો’ કહેવાને બદલે ‘લ્યો કોઈ મોરારિ’ એમ બૂમો પાડતી શેરીએ શેરીએ ફરે છે. કૃષ્ણમાં લયલીન કૃષ્ણમય ગોપીને એટલે જ મટુકીમાં દહીંના સ્થાને શ્રી હરિ નજરે ચડે છે. ગોપીનો ભક્તિભીનો ઉલ્લાસ અને અચળ પ્રભુપ્રેમ આ ઊર્મિગીતમાં સુંદર અભિવ્યક્તિ પામ્યા છે. ગોપી-કૃષ્ણ દ્વારા આત્માની પરમાત્મા સાથેની રસલીનતા પણ અહીં ભક્તકવિએ કલાત્મક રીતે સૂચવી દીધી છે.

5 Comments »

  1. Pragnaju Prafull Vyas said,

    December 23, 2007 @ 1:54 pm

    રૂપ ધ્યાન કરતા ભાવ પૂર્વક ગાશો તો તેનો અણસાર થશે

  2. ભાવના શુક્લ said,

    December 26, 2007 @ 10:57 am

    પ્રણયભીના એક ભોળા હૃદયની મનઃસ્થિતિ…..
    આનાથી ઉંડી એકાત્મતા કાઈ સાધી શકાય!!!
    માર ડૂબકીને તળિયે વૈભવ અપરંપાર માત્ર તારો જ.

  3. Rajul Modi said,

    January 24, 2009 @ 12:05 pm

    Great Bhajan. I sused to listen this in my school days.

    Greast for getting it back over here.

  4. B.B.POPAT said,

    February 16, 2009 @ 12:56 pm

    ખુબ સરસ ભજન છે.મને ગમે છે,

  5. princi bhatt said,

    June 24, 2012 @ 8:30 am

    આ બહુ ખરાબ લાગેી………………

RSS feed for comments on this post · TrackBack URI

Leave a Comment