નીકળ્યો’તો – મુકુલ ચોકસી
લોક એવું માનતા’તા કે એ મરવા નીકળ્યો’તો,
એક માણસ શૂન્યતા સાકાર કરવા નીકળ્યો’તો.
કારમી પ્રત્યેક વસ્તુ ચીસ કંઈ હોતી નથી,
હસતાં હસતાં તું શું એ પુરવાર કરવા નીકળ્યો’તો ?
વ્રુક્ષ હોવાનું મને ગૌરવ મળે એ હેતુસર શું ?
પાંદડાની જેમ મારો હાથ, ખરવા નીકળ્યો’તો ?
સ્હેજ સાયંકાળ વત્તા સ્હેજ પ્રાત:કાળ લઈને,
રાત બન્ને છેડેથી હું ટૂંકી કરવા નીકળ્યો’તો.
-મુકુલ ચોકસી
Rina said,
January 14, 2013 @ 12:46 AM
સ્હેજ સાયંકાળ વત્તા સ્હેજ પ્રાત:કાળ લઈને,
રાત બન્ને છેડેથી હું ટૂંકી કરવા નીકળ્યો’તો….
awesome…
Jagdip said,
January 14, 2013 @ 3:55 AM
રાત બન્ને છોરથી ટૂંકાવવા હું નીકળ્યો’તો……હોત તો વધુ મજા આવતે…….!!
perpoto said,
January 14, 2013 @ 4:00 AM
ચોક્સી સાહેબનુ ગણિત પાકું છે,વેશ ઝાઝાં ને રાતો ટુંકી છે.
થાકેલો રવિ
રાત કરવા ટુંકી
ચગળે ચાંદો
pragnaju said,
January 14, 2013 @ 8:42 AM
ચારે ચાર સુંદર શેરોની ગઝલના આ શેર
વ્રુક્ષ હોવાનું મને ગૌરવ મળે એ હેતુસર શું ?
પાંદડાની જેમ મારો હાથ, ખરવા નીકળ્યો’તો ?
વિશેષ ગમ્યો
યાદ
પિંજરથી નીકળ્યો તો પળોજણમાં જઈ ચડ્યો.
ઘાયલ નિરાંત કેવી આ હતભાગી જીવને. અકળાયો
ખોળિયામાં તો ખાંપણમાં જઈ ચડ્યો.
જ્યારે હસતો કૃષ્ણ સુખ દાયક કુંજથી બાહર નીકળ્યો
તો સંયોગ થી હું પણ પોતાના ઘરથી નીકળી|
મને જોતાં જ તેણે મારા પર પોતાના વિશાળ નેત્રોં ના પ્રેમમાં
તરબોળ બાણ ચલાવ્યા હું તે સહી ન શકી
અને જે પ્રકારે બાણ લાગતા હિરણી ચક્કર ખાઈને
ડૉ.મહેશ રાવલ said,
January 14, 2013 @ 1:18 PM
વાહ…!
કવિશ્રી મુકુલભાઇએ થોડામાં ઘણું કહી દીધું, એમાંય
કારમી પ્રત્યેક વસ્તુ ચીસ કંઈ હોતી નથી,
હસતાં હસતાં તું શું એ પુરવાર કરવા નીકળ્યો’તો ? – આ શેર બહુજ માર્મિક રહ્યો.
શ્રી તીર્થેશભાઇ,
મત્લામા, એક માનસનું- એક માણસ- થશેને?
Darshana bhatt said,
January 14, 2013 @ 5:24 PM
કારમી પ્રત્યેક વસ્તુ ચીસ કંઈ હોતી નથી,
હસતાં હસતાં તું શું એ પુરવાર કરવા નીકળ્યો’તો ?
મનુશ્ય મનના અકળ પ્રવાહોનિ વાત કેતલિ સહજતાથિ વ્યક્ત કરિ દીધી !! આ શેર બહુ ગમ્યો.
Maheshchandra. Naik said,
January 14, 2013 @ 11:40 PM
કારમી પ્રત્યેક વસ્તુ ચીસ કંઈ હોતી નથી,ા
હસતાં હસતાં તું શું એ પુરવાર કરવા નીકળ્યો’તો?
કવિશ્રી મુકુલ ચોકસીએ માણસની મનની વાતો સહજતાથી, વ્યથા-વેદનાને બધા શેરો દ્વારા વ્યક્ત કરી છે……….
bunty desai said,
January 19, 2013 @ 1:59 AM
રાત બન્ને છેડેથી હું ટૂંકી કરવા નીકળ્યો’તો ..વાહ મુકુલ કાકા …..