શબ્દોનું લોહી જેવું છે, ઘા થાય તો વહે,
વ્યર્થ જ હું એના ઘેર તકાજો કરું છું રોજ.
વિવેક ટેલર

નથી – મુકુલ ચોકસી

સામેનો રથ આ વાતથી અણજાણ પણ નથી;
કે  મારી  પાસે એક્કે ધનુષ-બાણ  પણ નથી.

વિસ્તરતી ચાલે મારી ક્ષિતિજો આ દૂર.. દૂર..
ને  આમ  કોઈ  જાતનું  ખેંચાણ  પણ   નથી.

માટે  તો  અર્થહીન  આ  ઊભા  રહ્યા  છીએ,
ત્યજવું  નથી,  ને  કાયમી રોકાણ પણ નથી.

સંપૂર્ણ    શાંતિ   કેવી   રીતે   સંભવી   શકે!
કર્ફ્યુ  નખાય  એટલું  રમખાણ   પણ નથી.

-મુકુલ ચોકસી

2 Comments »

  1. Jayshree said,

    July 27, 2006 @ 3:28 PM

    વાહ… ખૂબ સરસ.

    સામેનો રથ આ વાતથી અણજાણ પણ નથી;
    કે મારી પાસે એક્કે ધનુષ-બાણ પણ નથી.

    સંપૂર્ણ શાંતિ કેવી રીતે સંભવી શકે!
    કર્ફ્યુ નખાય એટલું રમખાણ પણ નથી.

  2. તીર્થેશ said,

    November 9, 2012 @ 7:47 AM

    વાહ…….!

RSS feed for comments on this post · TrackBack URI

Leave a Comment