જીવી શક્યા નહીં તો ગઝલમાં ભરી લીધી,
ક્ષણ ક્ષણને માણવાની રમત કારગત રહી.
રઈશ મનીઆર

ગઝલ – ખલીલ ધનતેજવી

ભીંજવું પાંપણની ભીનાશે તને,
મારામાં વરસાદ દેખાશે તને.

આ રીતે પણ ક્યાંક ચુમાશે તને,
હોઠ પર મૂકી કોઈ ગાશે તને.

હું જ ધરતી પર તને લાવી શકીશ,
મેં જ બેસાડ્યો છે આકાશે તને.

તારો શત્રુ હું નહીં પણ તું જ છે,
આજ નૈ તો કાલ સમજાશે તને.

મારા હૈયામાં કરી જો ડોકિયું,
ત્યાં અણીશુદ્ધ તું જ દેખાશે તને.

અશ્રુઓ શું શું લખે છે આંખમાં,
વાંચજે ધીમેથી વંચાશે તને.

તું ખલીલ, આ વર્ષે યાદીમાં નથી,
આવતા વરસે વિચારાશે તને.

– ખલીલ ધનતેજવી

ગુજરાતી શ્રોતાઓ આમ તો કવિસંમેલનોમાં ભાગ્યે જ દાદ આપતા નજરે ચડે છે પણ ખલીલ ધનતેજવી આ બાબતમાં એક સોલિડ અપવાદ છે. ખલીલ ધનતેજવી એમનો કાવ્યપાઠ પૂરો કરીને બેસી જાય અને શ્રોતાઓ વન્સ મોર કરીને એમને પાછા પૉડિયમ પર બોલાવીને બીજો દોર ન કરાવડાવે એવું કવિસંમેલન મેં જોયું નથી… આમ તો કવિની આ આખી ગઝલ ખૂબ સહજ ભાષામાં અને તરત સમજાય એવી થઈ છે પણ મને ચુંબનની આ સાવ નવી અને અદભુત વ્યાખ્યા ખૂબ સ્પર્શી ગઈ…

 

 

10 Comments »

  1. Rina said,

    August 5, 2011 @ 1:04 am

    વાહ……

  2. મીના છેડા said,

    August 5, 2011 @ 4:36 am

    વાહ!!!

  3. Hasmukh Barot said,

    August 5, 2011 @ 7:24 am

    while raining it’s really wonderful to read

  4. Deval said,

    August 5, 2011 @ 8:40 am

    આ રીતે પણ ક્યાંક ચુમાશે તને,
    હોઠ પર મૂકી કોઈ ગાશે તને.

    હું જ ધરતી પર તને લાવી શકીશ,
    મેં જ બેસાડ્યો છે આકાશે તને.

    તું ખલીલ, આ વર્ષે યાદીમાં નથી,
    આવતા વરસે વિચારાશે તને.

    waaaaaaaaahhhhhhhh khalil etle khalil…maja padi……

  5. ધવલ said,

    August 5, 2011 @ 10:39 am

    તારો શત્રુ હું નહીં પણ તું જ છે,
    આજ નૈ તો કાલ સમજાશે તને.

    સરસ !

  6. DHRUTI MODI said,

    August 5, 2011 @ 4:04 pm

    વાહ્!!

  7. shriya said,

    August 5, 2011 @ 4:17 pm

    વાહ્!…

    તારો શત્રુ હું નહીં પણ તું જ છે,
    આજ નૈ તો કાલ સમજાશે તને.

    મારા હૈયામાં કરી જો ડોકિયું,
    ત્યાં અણીશુદ્ધ તું જ દેખાશે તને.

  8. sudhir patel said,

    August 6, 2011 @ 12:24 pm

    સુંદર ગઝલ!
    સુધીર પટેલ.

  9. ડૉ.મહેશ રાવલ said,

    August 8, 2011 @ 3:34 am

    ખલીલસાહેબના આગવા અંદાઝની શેરિયતથી છલોછલ ગઝલ…
    કેવી સરળ ભાષામાં સચોટ વાત સહજ રીતે અભિવ્યક્ત થઈ છે ગઝલમાં..!
    સો સો સલામ, જનાબ ખલીલસાહેબ.

  10. સુરેશ જાની said,

    July 25, 2012 @ 8:58 am

    તેમનો પરિચય ડેટા મેળવી આપશો; તો આભારી થઈશ.

RSS feed for comments on this post · TrackBack URI

Leave a Comment