તમારાં અહીં આજ પગલાં થવાનાં,
ચમનમાં બધાંને ખબર થૈ ગઈ છે.
ઝુકાવી છે ગરદન બધી ડાળીઓએ,
ફૂલોની ય નીચી નજર થૈ ગઈ છે.
ગની દહીંવાલા

કોઈ – સુધીર પટેલ

નથી રસ્તા સરળ કોઈ,
કરે દિશાય છળ કોઈ !

સલામત ક્યાં છે જળ કોઈ ?
ટીપે ટીપે વમળ કોઈ !

જડે ક્યાં એનું તળ કોઈ ?
મળે માણસ અકળ કોઈ.

નજર એ કેમ આવે પણ ?
નજર આગળ પડળ કોઈ !

ઝીલો એકાદ પણ ‘સુધીર’,
ગઝલની ખાસ પળ કોઈ.

-સુધીર પટેલ

ટૂંકી બહેરની આ ગઝલ ‘સરળ’ કાફિયાથી શરૂ થાય છે અને એવી જ સરળ છતાં છેતરામણી રીતે ગહન છે. સીધા રસ્તા કદી સીધા હોતા નથી. જ્યાં ઊભીને એમ થાય કે હાશ ! પત્યું ત્યાં જ નવી મુસીબતની શરૂઆત થતી હોય છે. રસ્તો સરળ મળે ત્યારે દિશાઓ છેતરવા ઊભી જ હોય છે. સીધું સાદું દેખાતું પાણીય સરળ-સહજ હોય એવું જરૂરી નથી. આ જીવનજળ છે, એના ટીપે-ટીપે વમળ ભર્યા હોઈ શકે.

(એમનો ત્રીજો ગઝલ સંગ્રહ ‘ઉકેલીને સ્વયંના સળ‘ લયસ્તરોને ભેટ આપવા બદલ શ્રી સુધીર પટેલનો આભાર. આ પહેલો કાવ્યસંગ્રહ કદાચ ગુજરાતી ભાષામાં હશે જેમાં કવિએ ઋણસ્વીકાર કરતી વખતે વિવિધ ગુજરાતી વેબ-સાઈટ્સ અને એમના સંચાલકોના નામ લખીને આભાર માન્યો છે !)

3 Comments »

  1. pragnaju said,

    July 24, 2008 @ 9:01 am

    મઝાની ગઝલ્
    સલામત ક્યાં છે જળ કોઈ ?
    ટીપે ટીપે વમળ કોઈ !
    વાહ્
    યાદ આવી
    ચિંતામણી ઝરૂખે ઊભી હોય કે નહીં;
    વિરહાગ્નિની તરીને નદી કોઈ આવશે.
    ——
    ઝીલો એકાદ પણ ‘સુધીર’,
    ગઝલની ખાસ પળ કોઈ.
    સુંદર્
    મનમાં ગુંજીતે કદાચ વિવેકની પંક્તી છે
    ન થઈ જે વાત એના ડંખે સર્જી છે ગઝલ મારી
    કે ક્ષ્રર કાગજ પે અક્ષર પામું એવી લાગણી કોઈ.

  2. dr. jagdip nanavati said,

    July 24, 2008 @ 1:48 pm

    સરળ સબળ સફળ ગઝલ….
    વાહ સુધીરભાઈ…..

  3. ધવલ said,

    July 25, 2008 @ 12:19 pm

    સુંદર ગઝલ…

    સલામત ક્યાં છે જળ કોઈ ?
    ટીપે ટીપે વમળ કોઈ !

    સરસ !

RSS feed for comments on this post · TrackBack URI

Leave a Comment