એક પણ તૈયાર કેડી ના ગમી,
ત્યારથી યાત્રા શરૂ શાયદ થઈ.
હેમેન શાહ

ગઝલ – મેગી અસનાની

બે ઘડી ઝાકળ છે, રાહત આટલી
ફૂલ સ્વીકારે છે કિસ્મત આટલી.

સૂર્યને પડકારે બસ ચારેક પ્રહર
આ તિમિર રાતોની હિંમત આટલી.

આવે ના તો કંઈ નહિ પણ ‘આવશે’
આપશે ક્યારે એ ધરપત આટલી ?

ઊંઘમાં હો તો મળી લેવું કદી,
આંખથી સપનાને નિસ્બત આટલી.

પ્રેમ, પ્રતીક્ષા, મળવું ને જુદા થવું,
જિંદગી પાસે છે આફત આટલી.

– મેગી અસનાની

જાણીતા કલ્પન, જાણીતી સંવેદનાઓ પણ ગઝલની માવજત કેવી તાજગીસભર ! ઝાકળની ક્ષણભંગુરતા અને ફૂલનો વાસ્તવિક્તાનો સ્વીકાર કેવી અનૂઠી રીતે કવયિત્રી મત્લામાં લઈ આવ્યા છે ! પહેલા ત્રણે શેર માટે એક જ શબ્દ સૂઝે છે: લાજવાબ !!

9 Comments »

  1. rasikbhai said,

    February 12, 2016 @ 5:26 am

    વસન્ત પન્ચમિ ના દિવસે સુન્દેર વાસન્તિ ગઝલ્.મઝા આવિ.

  2. KETAN YAJNIK said,

    February 12, 2016 @ 7:16 am

    ” આફત ” શેની આતો ” જયાફત”
    ઉસકો ઉતના હી મિલા જીતની જિસકી ચાદર થી

  3. Devika Dhruva said,

    February 12, 2016 @ 8:27 am

    ખૂબસૂરત….

  4. Rina said,

    February 12, 2016 @ 11:16 am

    Waaaaaahhh….

  5. CHENAM SHUKLA said,

    February 13, 2016 @ 1:59 am

    વાહ્……મેગીની કલમ મેગા

  6. nehal said,

    February 13, 2016 @ 4:06 am

    Waah. .

  7. bharat vinzuda said,

    February 13, 2016 @ 6:14 am

    વાહ….

  8. Sudhir Patel said,

    February 15, 2016 @ 8:52 pm

    ખૂબ સુંદર ગઝલ!

  9. NIRALI SOLANKI said,

    February 20, 2016 @ 8:21 am

    WAH………. SU VAT CHHE.

RSS feed for comments on this post · TrackBack URI

Leave a Comment