ઝાકળબુંદ : _૧૨ : કેક – હિરલ ઠાકર ‘વાસંતીફૂલ’
જન્મદિવસ પર
કેક કાપતાં-કાપતાં
જિંદગીનું એક વર્ષ કપાય છે.
પ્રત્યેક વર્ષ મીણબત્તીની સંખ્યા વધે છે
ને તેને ઓલવવા જેટલો શ્વાસ ઘટે છે.
કેકની મીઠાશ માણ્યા પછી
જિંદગીની કડવાશ ઉભરાય છે.
આમ જ જિંદગી પૂરી થાય છે.
-હિરલ ઠાકર ‘વાસંતીફૂલ’
હિરલ ઠાકરનું આ લઘુકાવ્ય મને વાંચતાની સાથે ગમી ગયું. વધતી ઉંમર અથવા વૃદ્ધાવસ્થા વિશે બધા જ વાત કરે છે પણ અહીં મીણબત્તીની સંખ્યાના વધતા જવાની સાથે શ્વાસના ઘટતા જવાની વાત જે રીતે કવયિત્રીએ કરી છે એ કદાચ સાવ નવી જ અને તરત જ મનને સ્પર્શી જાય એવી છે. વાક્યે-વાક્યે વિરોધાભાસ સર્જીને નાનકડી જગ્યામાં મોટી વાત કરવામાં કવયિત્રી સફળ રહ્યાં છે અને એજ તો ખરી કવિતા છે…ખરું ને?
ચૈતન્ય એ. શાહ said,
October 12, 2007 @ 8:11 AM
ખુબ જ સરસ……જન્મદિવસ ની વાસ્તવિકતા
Shah Pravinchandra Kasturchand said,
October 12, 2007 @ 9:01 AM
જનાબ શયદા સાહેબે આજ વાત કહી છેઃ
જિંદગીના ભેદ તારી બંધ મુટ્ઠીમાં હતા;
તું શાનથી આવ્યો હતો ને હાથ ખાલી જાય છે.
વર્ષગાંઠો જિંદગીના દોરને ટૂંકી કરે;
તો વર્ષગાંઠે,બેસમજ,શું જોઈને મલકાય છે?
pragnajuvyas said,
October 12, 2007 @ 10:16 AM
હિરલ નામ વાચી લાગ્યું કે ૧૩૯-કોમેન્ટસનો રેકોર્ડ બ્રેક કરનાર, તેમાં તો ડો વિવેકે તો બધી કોરોનરી આર્ટરી બંધ થઈ જાય તેમ કોમેન્ટસ કરેલી તે કવયિત્રી છે કે કેમ?
…પણ આ તો આણંદની ઠાકર હિરલ જેનાં ‘ફીંગર પ્રીન્ટ’ અને ‘તારી સાથે’ મારી સ્મૃતિમાં અકબંધ છે.મારા ૬૯માં જન્મ દિવસે કેક-લઈને આવી. નરી વાસ્તવીકતાનું ભાન કરાવ્યું!
જો કે કુટુંબીજનોનો સુર તો..”રંગ નીખરે હૈ, જ્યું જ્યું બીખરે હૈ” એવો હતો!
– હિરલ ઠાકર ‘વાસંતીફૂલ’ ને ધન્યવાદ
( કવયિત્રી શબ્દ આ પહેલાના સ્ત્રી કવિ માટે નથી વપરાયો.
કવિતાએ તો પોતાનું નામ જ કવિ રાખ્યું! )
Pinki said,
October 12, 2007 @ 2:42 PM
નરી વાસ્તવિકતા તદ્.ન સરળ શબ્દોમાં,
તરત જ સ્વીકાર્ય એવી રચના……
દિલના કોઈક ખૂણે અડ્ડો જમાવી દઈ
વારંવાર ભાન કરાવે છે
આ વાસ્તવિકતાનું……….. ! !
shaileshpandyaBHINASH said,
October 14, 2007 @ 4:19 AM
Dear very nice……………………
સુનીલ શાહ said,
October 15, 2007 @ 12:36 AM
સરસ, સરળ, સત્ય.
કુણાલ said,
October 15, 2007 @ 4:35 AM
સુંદર શબ્દો …
Hiral Dave said,
October 29, 2007 @ 5:14 AM
Very Nice. Very true. I Live in Australia. I’ve been looking for a website where I can come and read nice & rich gujarati litrature. A BIG thankyou to Everyone who made this website & contributed. Living far away from home it is so nice to be able to re-connect to the real gujarati poems. Thank you…
GAURANG THAKER said,
February 1, 2008 @ 12:11 AM
Nice poetry Hiral Keep it up.Congrats.
kanchankumari parmar said,
October 26, 2009 @ 1:34 AM
ખબર નથિ પડતિ કે જિદગિ નિ આ લાલ્સા શાને લ્ંબાતિ? આમ તો ઘણુએ જિવિ લિધુ ;માણિ લિધુ પણ હશે કંઇક વધુ જોવાનુ માણવા નુ તેથિ જિદગિ ઓર લ્ંબાતિ……….