તમે પકડવા જશો કાનથી તો નહીં પકડાય,
અમારા દર્દ તણા સૂર-તાલ નોખા છે.
વિવેક ટેલર

રાજેન્દ્ર શાહ

પીળી છે પાંદડી ને કાળવો છ બાજરો
સોહ્ય છે રે ઝાઝો સવારથીય સાંજરો

ઝાકળિયે બેસું હું તોય રે બપોર લાગે
આસો તે માસના અકારા,
આવડા અધિકડા ન વીત્યા વૈશાખના
આંબાની ડાળ ઝૂલનારા;
હું તો
અંજવાળી રાતનો માણું ઉજાગરો
પીળી છે પાંદડી ને કાળવો છ બાજરો.

કોસના તે પાણીના ઢાળિયાનું વ્હેણ મને
લાગે કાલિંદરી જેવું,
આંબલીની છાંય તે કદંબની જણાય મારા
મનનું તોફાન કોને કે’વું ?
મેં તો
દીઠો રાધાની સંગ ખેલતો સાંવરો :
પીળી છે પાંદડી ને કાળવો છ બાજરો.

 

મધમીઠાં શબ્દો મઢ્યું મનોરમ ગીત……આવા સુંદર ગરબાઓ કોણ જાણે ક્યાં ખોવાઈ જાય છે નવરાત્રિની ભીડ-ભાડમાં !

8 Comments »

  1. neerja said,

    October 3, 2011 @ 12:59 am

    too good

  2. kishoremodi said,

    October 3, 2011 @ 8:29 am

    સમયને અનુરૂપ સુંદર ગરબો

  3. maya shah said,

    October 3, 2011 @ 8:56 am

    ખુબ સુન્દર્. મને બહુ ગમ્યુ.

  4. વિવેક said,

    October 3, 2011 @ 9:40 am

    આપણી પ્રદુષિત નવરાત્રિઓમાં આવા ગરબાને કદી સ્થાન મળી પણ ન શકે…

  5. divya parekh said,

    October 3, 2011 @ 10:05 am

    ક્યારેય ન માણ્યું હોય એવું સુન્દર..

  6. ધવલ said,

    October 3, 2011 @ 9:47 pm

    ઝાકળિયે બેસું હું તોય રે બપોર લાગે
    આસો તે માસના અકારા,
    આવડા અધિકડા ન વીત્યા વૈશાખના
    આંબાની ડાળ ઝૂલનારા;
    હું તો
    અંજવાળી રાતનો માણું ઉજાગરો
    પીળી છે પાંદડી ને કાળવો છ બાજરો

    – વાહ !

  7. pragnaju said,

    October 4, 2011 @ 9:32 am

    ખૂબ સ રસ
    મેં તો
    દીઠો રાધાની સંગ ખેલતો સાંવરો :
    પીળી છે પાંદડી ને કાળવો છ બાજરો.
    સુંદર

    રાધા કાના સંગે રાસ રમંતી
    મધુવનમાંહી હસી ઘેલી ખેલતી
    ચાંદનીમાં ભાન ભૂલી—–કે નયનોએ કાન નિરખ્યા

  8. Dhruti Modi said,

    October 4, 2011 @ 4:07 pm

    ખૂબ સરસ ગીત.

RSS feed for comments on this post · TrackBack URI

Leave a Comment