હવે તમારું જીવન લમણાઝીંક વગરનું છે,
નવા વરસનું કેલેન્ડર તારીખ વગરનું છે.
કુલદીપ કારિયા

ગોદડામાં શું ખોટું ? – વિવેક મનહર ટેલર

PA302943
(દેશી કચ્છી ભમરડો…                                                …૩૦-૧૦-૨૦૦૯)

*

(લયસ્તરોના તમામ વાચકમિત્રોને બાળદિવસની શુભેચ્છાઓ)

*

મમ્મી  બોલી,  ઠંડી  આવી,  સ્વેટર  પહેરો  મોટું,
ગોદડું વ્હાલું અમને તો ભઈ, ગોદડાંમાં શું ખોટું?

ગોદડાંને પકડી તો જુઓ,
ગોદડાંમાં છે નરમી;
મથી-મથીને અમે કરી છે
અંદર ભેગી ગરમી.
ગોદડાંની   અંદર   હું   કેવો   મસ્તીથી  આળોટું ?
ગોદડું વ્હાલું અમને તો ભઈ, ગોદડાંમાં શું ખોટું?

ગોદડાંનો ગોટો છે આ કે
વારતાઓનો ડબ્બો?
ડુંગરમાંથી હાથી થઈ જાઉં,
ભૂત બની કહું, છપ્પો !
સ્વેટરમાં  તો  છોટુ  થઈને   રહેશે   ખાલી  છોટુ…
ગોદડું વ્હાલું અમને તો ભઈ, ગોદડાંમાં શું ખોટું?

-વિવેક મનહર ટેલર
(૧૧-૦૨-૨૦૦૮)

*

PA302947
(બે-બ્લેડ: કચ્છી ભમરડાની વિદેશી આવૃત્તિ?         … ૩૦-૧૦-૨૦૦૯)

12 Comments »

  1. SAPAN said,

    November 14, 2009 @ 12:54 am

    વાહ વિવેકભાઈ….

    તમે તો યાર… શીયાળામાં ભારે ગરમાટો લાવી દીધો..

    hats off…

  2. pragnaju said,

    November 14, 2009 @ 5:07 am

    બાળદિને મઝાનું બાળ કાવ્ય
    ગોદડાંનો ગોટો છે આ કે
    વારતાઓનો ડબ્બો?
    ડુંગરમાંથી હાથી થઈ જાઉં,
    ભૂત બની કહું, છપ્પો !
    સ્વેટરમાં તો છોટુ થઈને રહેશે ખાલી છોટુ…
    ગોદડું વ્હાલું અમને તો ભઈ, ગોદડાંમાં શું ખોટું?
    મસ્ત વાત
    તેમા આવી વાત પણ ઉમેરીએ તો?
    શિયાળામાં રજાઈ-ગોદડાં, ઉનાળામાં એ.સી.-પંખા,
    ચોમાસે રેઈનકોટ ને છત્રી વગર રહે જે બારેમાસ;
    એ રાંક-ઉઘાડાં ત્રસ્ત બદનને આજ ગોદડું ઓઢાડી દઈએ.

    અહીં અમેરિકામા ગોદ્દડું નસીબદારને મળે!

  3. Kirtikant Purohit said,

    November 14, 2009 @ 6:18 am

    સુંદર બાલગીત ગમતીલું અને રમતિયાળ.

  4. sudhir patel said,

    November 14, 2009 @ 3:12 pm

    બાળ-દિન પર સરસ બાળગીત! બાળ દિવસના સૌને અભિનંદન અને શુભેચ્છાઓ!
    સુધીર પટેલ.

  5. Abhishek Desai said,

    November 15, 2009 @ 12:31 am

    RESPECTED VIVEK UNCLE

    A FINE POEM. I LIKE TO READ THIS POEM AGAIN AND AGAIN.

  6. Amrit Chaudhary said,

    November 15, 2009 @ 2:52 am

    પ્રિય વિવેક્ભાઈ,
    બાલદિન નિમિત્તે તેમજ આવી રહેલા શિયાળાના એધાણ તમારા આ સરસ મજાના ગીતમાં આબાદ
    રીતે ઝીલયા છે.લય પણ સરસ જળવાયો છે.આવા સુન્દર ગીતો અવારનવાર આપતા રહો તેવી
    સહેજે આશા રહેશે.આપનો ખુબ જ આભાર .

    આપનો,
    પ્રા.અમ્રુત ચૌધરી
    મુકામ =અડાલજ, જિ.ગાંધીનગર.મો.૯૮૨૫૧ ૭૨૮૧૮

  7. Ramesh Patel said,

    November 15, 2009 @ 1:40 pm

    બાળપણને રમતું કરતું સુંદર ગીત.
    ગાતા રહીએ તેવું..
    ગોદડાંનો ગોટો છે આ કે
    વારતાઓનો ડબ્બો?
    ડુંગરમાંથી હાથી થઈ જાઉં,
    ભૂત બની કહું, છપ્પો !
    સ્વેટરમાં તો છોટુ થઈને રહેશે ખાલી છોટુ…

    અભિનંદન વિવેકભાઈ.

    રમેશ પટેલ(આકાશદીપ)

  8. Lata Hirani said,

    November 15, 2009 @ 7:12 pm

    મજાનું બાળગીત..

    ગોદડું વ્હાલું અમને તો ભઈ, ગોદડાંમાં શું ખોટું?

    આ પંક્તિમાંથી ‘તો’ કાઢી નાખીએ તો અર્થમાં તો ફેર નથી જ પડતો અને લય વધુ જળવાય એવું નથી લાગતું ??

  9. વિવેક said,

    November 16, 2009 @ 2:28 am

    પ્રિય લતાબેન,

    કવિતા વિશે દરેક ભાવકનો પોતાની અંગત અનુભૂતિ હોવાની… આપને ‘તો’ વધારાનો લાગે છે, મને એ બાળકની શૈલીમાં પોતાની વાત પર વધારાનો ભાર મૂકે છે એમ લાગે છે.. (બની શકે કે આ સુરતી બોલીની ખાસિયત હોય!!)

    “અમે ભાઈ આમ જ કરવાના” અને “અમે તો ભાઈ, આમ જ કરવાના!!” – આ બે વાક્યમાં જે ફરક છે એ સહેજે સમજી શકાય એમ છે…

  10. kirankumar chauhan said,

    November 16, 2009 @ 9:01 am

    બહુ જ મીઠ્ઠું ગીત.

  11. વિવેક said,

    November 18, 2009 @ 8:26 am

    સહુ મિત્રોનો ખૂબ ખૂબ આભાર…

  12. ધવલ said,

    November 18, 2009 @ 6:50 pm

    બાળકોએ ટેસ્ટમાં પાસ કરેલું ગીત… સરસ !

RSS feed for comments on this post · TrackBack URI

Leave a Comment