એવા વળાંક પર હવે ઊભો છે કાફલો;
અહીંથી જવાય રણ તરફ, અહીં નદી તરફ.
કિસન સોસા

જોઈએ છે – રિષભ મહેતા

મને એ ખબર છે કશું જોઈએ છે
પરન્તું ન સમજાતું શું જોઈએ છે ?!

તને આખી દુનિયાય ઓછી પડે છે,
મને તો ફકત એક તું જોઈએ છે!

મને તો જ સમજણ પડે કેમ ચાલું?
મને કોઈ આડું-ઊભું જોઈએ છે!

ચલો આપવું હો તો આપી દો ઈશ્વર
મને એક આંસુ મીઠું જોઈએ છે!

ચલાવી લઉં છું બધાના વગર હું
હકીકતમાં કિન્તુ બધું જોઈએ છે!

– રિષભ મહેતા

કાફિયાદોષને અવગણીએ તો કેવી મજાની ગઝલ ! મત્લા અને આખરી શેરમાં સંસારનું અને બીજા શેરમાં આજના જમાનાના પ્રેમનું સનાતન સત્ય.

5 Comments »

  1. Rakesh Thakkar, Vapi said,

    August 27, 2016 @ 5:49 am

    nice
    તને આખી દુનિયાય ઓછી પડે છે,
    મને તો ફકત એક તું જોઈએ છે!

  2. Ketan Yajnik said,

    August 27, 2016 @ 6:28 am

    saras

  3. જોઈએ છે – Atul's BLOG said,

    August 27, 2016 @ 2:51 pm

    […] સંપાદિત […]

  4. Yogesh Shukla said,

    August 28, 2016 @ 10:34 am

    આ શેર ઘણુંબધું કહી જાય છે , બહુજ સુંદર રચના ,

    ચલો આપવું હો તો આપી દો ઈશ્વર
    મને એક આંસુ મીઠું જોઈએ છે!

  5. yogesh shukla said,

    May 9, 2017 @ 10:55 pm

    બહુજ સુંદર રચના ,….
    અંતે તો કહી જ દીધું ,

    ચલાવી લઉં છું બધાના વગર હું
    હકીકતમાં કિન્તુ બધું જોઈએ છે!

RSS feed for comments on this post · TrackBack URI

Leave a Comment