હશે ક્યાંક છિદ્રોમાં કોઈ પુરાણ જ,
કદી વાંસળી આ બરાબર ન વાગી.
વિવેક મનહર ટેલર

પાનખર -હરીન્દ્ર દવે

હવા   ફરી  ઉદાસ  છે,   ચમન  ફરી  ઉદાસ છે,
નિગૂઢ  સ્પર્શ  પાનખર  તણો  શું આસપાસ છે!

                 વિલુપ્ત ગુંજનો થતાં
                                રહ્યા પ્રસન્ન રાગનાં,
                 લહર ગઈ સમેટી શ્વાસ
                                 મ્હેકતા   પરાગના;

છેલ્લું  આ  કિરણ જતાં સુધી જ બસ ઉજાસ છે,
નિગૂઢ  સ્પર્શ  પાનખર તણો  શું આસપાસ છે!

               હવે બિડાય લોચનો
                              રહેલ નિર્નિમેષ જે,
               રાત અંધકારથી જ
                               રંગમંચને સજે,

હ્રદયમાં ભાર ભાર છે, અધર પે પ્યાસ પ્યાસ છે,
નિગૂઢ   સ્પર્શ  પાનખર  તણો  શું  આસપાસ છે!

-હરીન્દ્ર દવે

1 Comment »

  1. તીર્થેશ said,

    June 2, 2012 @ 9:49 am

    vaah….

RSS feed for comments on this post · TrackBack URI

Leave a Comment