જીરવી શકાશે પૂર્ણ ઉપેક્ષાનો ભાવ દોસ્ત,
પણ જીરવી ના શકાશે અધૂરો લગાવ દોસ્ત.
તાજા કલમમાં એ જ કે તારા ગયા પછી,
બનતો નથી આ શહેરમાં એકે બનાવ દોસ્ત.
મુકુલ ચોક્સી

આભ સાથે વાર્તા જોડી – ભાગ્યેશ જહા

આ વાયરાના તોફાને આવેલા વરસાદે ઉબંરની મર્યાદા તોડી;
એક બિંદુ ઝીલી ને આંખ એવી કુદી કે એણે આભ સાથે વાર્તા જોડી.

આ બારીમાં ટપકે છે ભીનું આકાશ
અને ચોમાસું છલકે ચોપાસ;
અહીં શેરીનાં દિવામાં એકલતા સળગે છે
ઉપર છે કાળું આકાશ.

આ પાણીનાં બાણ બધાં વિધેં ગુલાબને, ને આભે પણ કળીઓને તોડી.
એક બિંદુ ઝીલી ને આંખ એવી ઉગી કે એણે આભ સાથે વાર્તા જોડી.

વૃક્ષોની નજરોનું પાથરણું પાથરીને
ધરતી એ ઓઢી’તી લીલાશ,
આ વરસાદે પલળેલું એકાકી ઝાડ,
એમાં આજે પણ કોરું આકાશ.

આ ધોધમાર પાણીનાં વહેતાં પ્રવાહમાં પગલાં એ કેડી એક છોડી.
એક બિંદુ ઝીલી ને આંખ એવી ઉગી કે એણે આભ સાથે વાર્તા જોડી.

– ભાગ્યેશ જહા

પરંપરાગત વિષય છે પરંતુ માવજત સુંદર છે….

6 Comments »

  1. Rajnikant Vyas said,

    June 15, 2015 @ 5:11 am

    વર્ષા ઋતુના આરંભે વર્ષારાણીના સુંદર ગીતનું સ્વાગત!

  2. ketan yajnik said,

    June 15, 2015 @ 7:50 am

    ફરી એક વાર
    એક બિંદુ ઝીલી ને આંખ એવી ઉગી કે…….

  3. yogesh shukla said,

    June 15, 2015 @ 12:41 pm

    સરસ રચના ,:- જ્યાં વરસાદના વાયરા વાયા નથી ત્યાં કવીશ્રીઓના ડાયરા આયવા નથી ,

  4. mahesh dalal said,

    June 15, 2015 @ 3:17 pm

    સરસ રચના. ધરતી. નો ભઐલો આવ્યો. યાદ આવિ ગયુ….વાહ વાહ્..

  5. Harshad said,

    June 15, 2015 @ 8:50 pm

    Good. Like it.

  6. lata hirani said,

    June 19, 2015 @ 7:03 am

    ક્યા બાત હૈ !
    આભ સાથે વાર્તા જોડી !
    સરસ કલ્પન..

RSS feed for comments on this post · TrackBack URI

Leave a Comment