પડદામાં – હર્ષદ ચંદારાણા
રાખવાથી ગુલાબ પડદામાં
ખુશબૂ રહેશે જનાબ ! પડદામાં ?
છે ખુશીની બધી ક્ષણો જાહેર
આંસુનો છે હિસાબ પડદામાં
એક પડદાને ખોલવા માટે
પેસવું બેહિસાબ પડદામાં ?
રાત પડવાનું એ જ છે કારણ ?
શું હતો આફતાબ પડદામાં ?
સર્વ શબ્દો નકાબ છાંડે છે
વાંચે છે તું કિતાબ પડદામાં
– હર્ષદ ચંદારાણા
સાદ્યંત સુંદર રચના….
chandresh said,
November 20, 2014 @ 4:09 AM
સુંદર રચના….
yogesh shukla said,
November 20, 2014 @ 12:24 PM
સુંદર રચના….
Pravin Shah said,
November 23, 2014 @ 1:13 AM
ખુશીનો ઉત્સવ ઉજવાય પરંતું આંસુ તો પડદા પાછળ જ શોભે !
દરેક શેરમાં રદીફને સુંદર રીતે નિભાવ્યો છે.
સરસ રચના !
ધવલ said,
November 23, 2014 @ 10:06 PM
છે ખુશીની બધી ક્ષણો જાહેર
આંસુનો છે હિસાબ પડદામાં
– વાહ !