ગઝલ – મનોજ ખંડેરિયા
ખૂબ અંદર ભીનો છું નહીં સળગું;
કાષ્ટ સૂકાં ને સૂકાં જ ગોઠવજો.
ના ગમે તો ઊઠીને ચાલ્યા જજો,
શરમે મારી ગઝલ ન સાંભળજો.
એનું માઠું મને નહીં લાગે,
મારું માઠું વરસ છે તે સમજજો.
– મનોજ ખંડેરિયા
ત્રણ જ શેરની આ ગઝલ વરસાદના નાના પણ જોરદાર ઝાપટા જેવી છે. ભીંજાયે જ છુટકો !
Jina said,
April 3, 2007 @ 5:26 AM
ભીંજાઈ ગયા ધવલ!! આજે મનોજભાઈનો દિવસ છે કે શું? જયશ્રીબેને પણ ખૂબ સુંદર રચના મૂકી છે!!
Jayshree said,
April 3, 2007 @ 11:26 AM
ખરેખર ધવલભાઇ… ત્રણ જ શેર છે તો પણ નક્કી નથી કરી શકાતું કે કયો વધારે ગમ્યો.
વિવેક said,
April 4, 2007 @ 5:38 AM
સુંદર ગઝલ…
Krutarth said,
April 11, 2007 @ 8:56 PM
ખુબજ સરસ……
MK said,
April 13, 2007 @ 5:57 AM
શેખ આદમ આબુવાલા ની રચના છે કોઇ……?