ગઝલ – ગૌરાંગ ઠાકર
આ બધું કેમ નવું લાગે છે
કોઈ હૈયામાં ગયું લાગે છે
જો પવન દોડી મદદમાં આવ્યો
ફૂલને ખુશબૂ થવું લાગે છે
હાથમાં હાથ મિલાવી રાખો
આ જગત હાથવગું લાગે છે
પ્યાસ એમ જ નથી બૂઝી, મિત્રો
લોહીનું પાણી થયું લાગે છે
વાત કહેતાં તો પડી ભાંગ્યો છે
દર્દ હોવાપણાંનું લાગે છે
ખોળિયામાં આ નવી હલચલ છે
જીવને ઘેર જવું લાગે છે
– ગૌરાંગ ઠાકર
પ્રેમના ગુલાબી મિજાજથી ઉઘડતી આ ગઝલ સમષ્ટિથી લઈ વ્યક્તિના હોવાપણા અને જીવનથી લઈને મૃત્યુ સુધીના તમામ રંગોને સ્પર્શતું છ રંગોનું જાણે કે મનભર રંગધનુ ન હોય !
ડૉ.મહેશ રાવલ said,
September 4, 2010 @ 1:46 AM
કોઇ હૈયામાં ગયાની શક્યતાથી શરૂ થયેલ જીવન-ગઝલ-યાત્રા છે..ક, જીવને ઘેર જવું લાગે છે જેવી અંતિમ ચરણસુધીની વાત, પૂર્ણ નજાકત અને માવજત પૂર્વક ખોળિયાની હલચલ દર્શાવી ગઈ…..
સુંદર ભાવ અને એવી જ અભિવ્યક્તિ…
અભિનંદન ગૌરાંગભાઈ…
રાકેશ ઠક્કર, વાપી said,
September 4, 2010 @ 3:25 AM
વાહ !
હાથમાં હાથ મિલાવી રાખો
આ જગત હાથવગું લાગે છે
વિહંગ વ્યાસ said,
September 4, 2010 @ 5:10 AM
વાહ…..વાહ….
સુનીલ શાહ said,
September 4, 2010 @ 5:27 AM
સુંદર અભિવ્યક્તિ.
mahesh dalal said,
September 4, 2010 @ 5:56 AM
સુન્દેર વાહ . ગમ્યુ
pragnaju said,
September 4, 2010 @ 7:01 AM
સ રસ ભાવવાહી ગઝલ
હાથમાં હાથ મિલાવી રાખો
આ જગત હાથવગું લાગે છે
વાહ
ગગનચુંબી ડુંગરાઓના પરંપરા અને નાંખી નજર ન પહોંચે તેવાં લાંબાલાંબા મેદાનો, એકબીજાં સાથે હાથમાં હાથ મિલાવી આજે સૈકાઓ થયાં ઘાટી મૈત્રી સાધી રહ્યાં છે તેવી રીતે તમે પ્રેમનાં પવિત્ર પુષ્પો છો, ને તેથી જ બંને એકઠાં મળી, હાથમાં હાથ મિલાવી, આજે જીવનમાં સુખ પામો છો.
Sandhya Bhatt said,
September 4, 2010 @ 8:26 AM
સાદા શબ્દોમાં ઊંડી વાત…વાહ ગૌરાંગભાઈ.
Gunvant Thakkar said,
September 4, 2010 @ 9:17 AM
પ્યાસ અમથી નથી બુઝી મિત્રો, લોહીનુ પાણી થયુ લાગે છે. વાહ….સરળ, સચોટ, અને હદય સોંસરવી અભિવ્યક્તિ.
kanchankumari. p.parmar said,
September 4, 2010 @ 9:24 AM
આસ પાસ મા કોઇ નથિ તોય હૈયે ઝાંઝરિ ઝિણી ઝિણી વાગે છે…..મળી નથિ આંખ તોયે ધિમિ ધિમિ ઝુ કે છે….
jigar joshi 'prem' said,
September 4, 2010 @ 10:09 AM
વાહ ! આજે જ હજુ ગૌરાંગભાઇના પુસ્તકનું અવલોકન લખ્યું અને આજે જ એમની કલમને ફરી મળવાનું થયું. એક સુખદ અનુબંધ રચાયો…રચના બહુ જ ગમી…અભિનંદન
dhrutimodi said,
September 4, 2010 @ 1:40 PM
સુંદર ગઝલ.
ખોળિયામાં આ નવી હલચલ છે,
જીવને ઘેર જવું લાગે છે.
કવિતા મૌર્ય said,
September 4, 2010 @ 2:02 PM
સુંદર ગઝલ !!!
Pancham Shukla said,
September 4, 2010 @ 4:43 PM
મત્લાના રોમેન્ટિસિઝમથી મક્તાના મિસ્ટિસિઝમની વચ્ચે જોય(આનંદ), સપોર્ટ(સથવારો), કોલાબરેશન(સહકાર), ટોઈલ (તનતોડ શ્રમ), અને સેલ્ફ કન્ફ્રન્ટેશન (અસ્તિત્વ વૈતથ્ય)ના વિભાવો જુદા જુદા પ્રતીકોથી/સંકેતોથી સરળ શબ્દોમાં પરોવાઈ એક વિશિષ્ટ પરસેપ્શનની ગઝલ રચે છે. આ આખી ગઝલ, એના રદીફ ‘લાગે છે’ (છે નહી)ની વર્ચ્યુઅલ રિયાલિટીના પૂંજ પર પ્રકાશિત થઈ છે.
DEEPAK TRIVEDI said,
September 5, 2010 @ 3:55 AM
પ્યાસ એમ જ નથી બૂઝી, મિત્રો
લોહીનું પાણી થયું લાગે છે
LIKE VERY MUCH ….
Jay Naik said,
September 5, 2010 @ 7:55 AM
વાહ ભાઈ વાહ ખુબજ સરસ.
Bharat Trivedi said,
September 5, 2010 @ 7:17 PM
આ બધું કેમ નવું લાગે છે
કોઈ હૈયામાં ગયું લાગે છે
જે ગઝલનો ઉઘાડ જ આવો જોરદાર હોય ઉસકા તો ક્યા કહના ! આવી ગઝલ લખવી તો એક તરફ – આવું વાંચવા મળે છે તેય અમારા જેવાનું ધનભાગ્ય છે.
-ભરત ત્રિવેદી
કિરણસિંહ ચૌહાણ said,
September 5, 2010 @ 9:04 PM
ખૂબ જ સુંદર ગઝલ. મત્લા તો અત્યંત રૂપાળો.
jatin sanghani said,
September 6, 2010 @ 4:13 AM
પ્યાસ એમ જ નથી બૂઝી, મિત્રો
લોહીનું પાણી થયું લાગે છે
વાહ ભાઈ વાહ ખુબ જ સરસ.
Gaurang Thaker said,
September 6, 2010 @ 8:38 AM
ગઝલના તમામ સુજ્ઞ ભાવકોનો આભારી છુ ને વિવેકભાઈનો વિશેષ આભાર્…..
sudhir patel said,
September 6, 2010 @ 9:45 PM
ખૂબ સુંદર ગઝલ!
સુધીર પટેલ.
ABHISHEK DESAI said,
September 6, 2010 @ 11:07 PM
RESPECTED GAURANG UNCLE,
A VERY NICE GAZAL. I AM REALLY A FAN OF YOUR GAZALS.
Kirtikant Purohit said,
September 7, 2010 @ 11:39 AM
હાથમાં હાથ મિલાવી રાખો
આ જગત હાથવગું લાગે છે
સુઁદર ગઝલ.
Pinki said,
September 11, 2010 @ 7:25 AM
પ્યાસ એમ જ નથી બૂઝી, મિત્રો
લોહીનું પાણી થયું લાગે છે
બહુત ખૂબ, ગૌરાંગભાઈ !