જળથી કમળની જેમ ક્યાં અળગું રહી શકે
હૈયું છે દોસ્ત, કો’ક દી ભીંજાય પણ ખરું
વિવેક કાણે ‘સહજ’

કોણ ભયો સંબંધ – સંજુ વાળા

ખુલ્લી આંખે અંધ
વાતાયનમાં વ્યાપ્ત રહે પણ
ના પકડાતી ગંધ…

કાયાના કયા ખૂણે વહેતી તિલસ્માતની ધારા
રોમ રોમ દીપમાળ જલે પણ ખૂટે ના અંધારાં
કિહાઁ સાઁસ-ઉસાઁસ સમાગમ ?
કોણ ભયો સંબંધ…
ખુલ્લી આંખે અંધ…

છાતી પ્રગટ નિજ-મંદિર જેના સૌ દરવાજે તાળાં
ચાર ઘડી ચોઘડિયાં વાજે ઘડી-ઘડી ઘડિયાળા
નિસદિન નામ-નિશાન જરાજર
રચે ઋણાનુબંધ
ખુલ્લી આંખે અંધ…

– સંજુ વાળા

ઘણા લાંબા સમયથી આ કાવ્ય મેં ટાઇપ કરીને મૂકી રાખ્યું હતું. દર વખતે ટિપ્પણી લખવા જાઉં અને શબ્દો ન સૂઝે. આમને આમ કેટલાય અઠવાડિયા વીતી ગયા. આજે પણ ટિપ્પણી લખવા વિચારું છું ત્યારે શબ્દો નથી જડતા… ખુલ્લી આંખે અંધ ? ના પકડાતી ગંધ ?

12 Comments »

  1. શાહ પ્રવીણચંદ્ર કસ્તુરચંદ said,

    July 2, 2011 @ 10:24 am

    વાહ વાહ !

  2. marmi kavi said,

    July 2, 2011 @ 10:42 am

    ભીતર પ્રગટે ઢાઈ અક્ષર ત્યારે મળતો તાળો
    ઊંડે-ઊંડે હૈયા સરસો શબદ ફરે સુંવાળો
    ચારે કોરે મીઠી-મીઠી
    પ્રસરી જાય સુગંધ.

    સંજુભાઈ…………….ખૂબ સરસ……

  3. ડૉ. મહેશ રાવલ said,

    July 2, 2011 @ 5:13 pm

    કવિ મિત્ર સંજુ વાળાની સશક્ત કલમ અને અર્થગહન અભિવ્યક્તિસભર સુંદર રચના…..
    અભિનંદન.

  4. Pancham Shukla said,

    July 3, 2011 @ 7:31 am

    સુંદર ગીત. વિવેકભાઈની કમેન્ટ પણ સ્પર્શી ગઈ.

    ‘સાંસ ઉસાંસ’ વાંચતાજ યાદ આવેઃ

    સાંસ ઉસાંસ ચલાવત છુવત ઝિલમિલ સાંતો ગગન;
    વિહસ વિહસ કરતાલ નચાવત ગાવત બંદા ગઝલ.

    સ્વરાંકન અને ગાયનઃ http://rankaar.com/blog/archives/195

  5. Kalpana said,

    July 3, 2011 @ 8:16 am

    ઋણાનુબંધ રચાતા ખુલ્લી આંખે અંધ થવાય. એ આશ્ચર્ય તરંગ કરવા કરતા એની સત્યતા ઓળખી, પારખી લેવું, ઇશ્વરની રચના સહર્ષ આવકારી લેવી.

    સુન્દર અભિવ્ય્ક્તિ. અભિનન્દન કવિશ્રીને. ધણો આભાર ધવલભાઈનો.

  6. ધવલ શાહ said,

    July 3, 2011 @ 4:34 pm

    કાયાના કયા ખૂણે વહેતી તિલસ્માતની ધારા
    રોમ રોમ દીપમાળ જલે પણ ખૂટે ના અંધારાં
    કિહાઁ સાઁસ-ઉસાઁસ સમાગમ ?
    કોણ ભયો સંબંધ…

    – વાહ !

  7. વિહંગ વ્યાસ said,

    July 3, 2011 @ 11:01 pm

    સુંદર રચના.

  8. P Shah said,

    July 4, 2011 @ 2:28 am

    વહેતી તિલસ્માતની ધારા…
    સુંદર રચના…

  9. સંજુ વાળા said,

    July 7, 2011 @ 11:04 am

    ખૂબ ખૂબ આભાર વિવેક્ભાઈ, પ્રતિભાવ આપનાર બધા મિત્રોનો પણ આભાર.

  10. deepak trivedi said,

    July 8, 2011 @ 5:16 am

    I like very much….
    છાતી પ્રગટ નિજ-મંદિર જેના સૌ દરવાજે તાળાં
    ચાર ઘડી ચોઘડિયાં વાજે ઘડી-ઘડી ઘડિયાળા
    નિસદિન નામ-નિશાન જરાજર
    રચે ઋણાનુબંધ
    ખુલ્લી આંખે અંધ…

  11. nalin suchak. said,

    July 15, 2011 @ 11:40 am

    મને સમગ્ર કવિતા સ્વ ના સુરગ મા ધકેલે ….અકેલે..અકેલે…

  12. nalin suchak. said,

    July 15, 2011 @ 11:46 am

    અભિનદન્!
    આખિ કવિતા ભિતર્ નિ અન્દર ઉતરે ચ્હે.

RSS feed for comments on this post · TrackBack URI

Leave a Comment