‘ઈર્શાદ’ એટલે તો હું જલ્દી નહીં મરું,
મારા તમામ ચોપડે બાકી હિસાબ છે.
ચિનુ મોદી ‘ઈર્શાદ’

પરિચય છે -‘સૈફ’ પાલનપુરી

અમારી જિંદગીનો આ સરળ સીધો પરિચય છે,
રુદનમાં વાસ્તવિકતા ને હસવામાં અભિનય છે.

તમે આવો તો એને પણ જરા ઠપકા સમું લાગે,
આ મારું મન ઘણા વર્ષોથી મારામાં જ તન્મય છે.

તને મળવાનો છું એટલે હમણાં તો ચૂપ છું પણ,
ખુદા તારા વિશે મારાય મનમાં સહેજ સંશય છે.

મને જોઈને નજરને શું સિફતથી ફેરવી લ્યો છો !
તમારી તો ઉપેક્ષા પણ ખરેખર બહુ કળામય છે.

હવે ક્યાં આગ્રહ છે કે ‘સૈફ’ સાકી હો મદિરા હો,
હવે તો શાંત ખૂણો પણ મળે તો એ સુરાલય છે.

– ‘સૈફ’ પાલનપુરી

4 Comments »

  1. Rohit kapadia said,

    April 5, 2017 @ 4:12 am

    કળામય ઉપેક્ષા અને ખુદમાં તન્મય મનની વાત હૈયાને સ્પર્શી જાય તેવી છે. ધન્યવાદ.

  2. ketan yajnik said,

    April 5, 2017 @ 8:34 am

    તને મળવાનો છું એટલે હમણાં તો ચૂપ છું પણ,
    ખુદા તારા વિશે મારાય મનમાં સહેજ સંશય છે.

  3. Harshad said,

    April 5, 2017 @ 7:24 pm

    AWESOME !!

  4. Maheshchandra Naik said,

    April 5, 2017 @ 11:01 pm

    સરસ,સરસ,સરસ……

RSS feed for comments on this post · TrackBack URI

Leave a Comment