પથ્થરો બોલે તો બોલાવી જુઓ,
શક્યતાના દ્વાર ખખડાવી જુઓ.
શ્યામ સાધુ

ગઝલ – ભાવિન ગોપાણી

આમ તો હું શબ્દમાં પણ સાંપડું;
તું મને શોધે નહી તો ના જડું.

એટલો પાસે ગયો કે થઈ ગયું,
દાઝવું નક્કી, અડું કે ના અડું.

જે થયું તે પ્રેમ મારો માનજે,
આમ નહિતર તારી સાથે બાખડું ?

હું ઉદાસીના કૂવે ડૂબ્યો છું મિત્ર,
નાખ તારી હાજરીનું દોરડું.

કત્લ કરવા તું મને આવ્યો છું તો,
કરગરું કે પીઠ તારી થાબડું ?

આયનામાં તું તને દેખે અને,
થાય એવું હું તને વચમાં નડું.

મન-મગજ વચ્ચે ફરી ઝઘડો થયો,
છોડ, એમાં હું નહીં વચ્ચે પડું.

– ભાવિન ગોપાણી

આખી ગઝલ સરાહનીય પણ ઉદાસીના કૂવામાંથી બહાર આવવા મિત્રની હાજરીના દોરડાની આવશ્યક્તા ઉજાગર કરતો શેર તો ઉત્તમ. એ જ રીતે આયનામાં પ્રિયજન પોતાની જાતને જોવાની કોશિશ કરે અને પોતાના બદલે પ્રિયતમના દિદાર થાય એ કલ્પન પણ દાદ માંગી લે એવું.

7 Comments »

  1. Rakesh Thakkar, Vapi said,

    November 3, 2016 @ 3:23 am

    very nice
    મન-મગજ વચ્ચે ફરી ઝઘડો થયો,
    છોડ, એમાં હું નહીં વચ્ચે પડું.

  2. La' Kant Thakkar said,

    November 3, 2016 @ 7:13 am

    प्रियजननी छबी तो गमे त्यां,गमे त्यारे …… उपसी जाय !
    “આયનામાં તું તને દેખે અને,
    થાય એવું હું તને વચમાં નડું.”

    “આયનામાં પ્રિયજન પોતાની જાતને જોવાની કોશિશ કરે અને પોતાના બદલે પ્રિયતમના દિદાર થાય એ કલ્પન પણ દાદ માંગી લે એવું. ”
    यथार्थ … वात आने विविकजीनी पंक्तियो ‘अनंतनी चाह ….. लाखे ..छे ..सरस
    “હું સમયની પાર વિસ્તરતો રહું,
    તું અનાગત થઈ મને મળતી રહે.”

  3. SARYU PARIKH said,

    November 3, 2016 @ 9:18 am

    વાહ!
    આયનામાં તું તને દેખે અને,
    થાય એવું હું તને વચમાં નડું…વિશેષ ગમી.
    સરયૂ પરીખ

  4. Neha said,

    November 3, 2016 @ 9:38 am

    Aayana ma tu… ye baat !!

    Waah kavi
    aabhar laystaro

  5. Jigna shah said,

    November 3, 2016 @ 12:59 pm

    Khub saras gazal.
    Anokha radiff sathe majani gazal

  6. lata hirani said,

    November 3, 2016 @ 2:30 pm

    ઓછા શબ્દોમાં સચોટ રચના !

  7. poonam said,

    November 4, 2016 @ 4:36 am

    નાખ તારી હાજરીનું દોરડું…. Mast

RSS feed for comments on this post · TrackBack URI

Leave a Comment